Banzembo 96

1 Boyembela Yawe nzembo ya sika! Bino nyonso, bato ya mokili mobimba, boyembela Yawe!

שירו ליהוה שיר חדש שירו ליהוה כל-הארץ

2 Boyembela Yawe, bopambola Kombo na Ye! Bopanza sango ya lobiko na Ye, mokolo na mokolo!

שירו ליהוה ברכו שמו בשרו מיום-ליום ישועתו

3 Bopanza sango ya nkembo na Ye kati na mabota! Boyebisa bato misala na Ye ya kokamwa kati na bikolo nyonso.

ספרו בגוים כבודו בכל-העמים נפלאותיו

4 Pamba te Yawe azali monene mpe abongi na lokumu, azali somo makasi mpe aleki banzambe nyonso.

כי גדול יהוה ומהלל מאד נורא הוא על-כל-אלהים

5 Banzambe nyonso ya bikolo ezali bikeko ya pamba, nzokande Yawe akela likolo.

כי כל-אלהי העמים אלילים ויהוה שמים עשה

6 Kongenga mpe nkembo monene ezali liboso na Ye, nguya mpe nkembo ezali kati na Esika na Ye ya bule.

הוד-והדר לפניו עז ותפארת במקדשו

7 Bino bituka ya mabota, bosanzola Yawe; bosanzola Yawe na kopanza sango ya nkembo mpe nguya na Ye!

הבו ליהוה משפחות עמים הבו ליהוה כבוד ועז

8 Bosanzola Yawe mpe bopesa Kombo na Ye nkembo! Bomema makabo na bino, bokota na lopango na Ye!

הבו ליהוה כבוד שמו שאו-מנחה ובאו לחצרותיו

9 Bogumbama liboso ya Yawe oyo bosantu na Ye ezali kongenga makasi! Bino bavandi ya mokili mobimba, bolenga liboso na Ye!

השתחוו ליהוה בהדרת-קדש חילו מפניו כל-הארץ

10 Boloba kati na mabota: « Yawe azali Mokonzi! Mokili elendisama makasi, ekoningana te. Yawe asambisaka bato na bosembo. »

אמרו בגוים יהוה מלך-- אף-תכון תבל בל-תמוט ידין עמים במישרים

11 Tika ete likolo esepela, mpe mabele ezala kati na esengo! Tika ete ebale monene elongo na nyonso oyo ezali kati na yango epesa lokito!

ישמחו השמים ותגל הארץ ירעם הים ומלאו

12 Tika ete zamba mobimba elongo na nyonso oyo ezali kati na yango esepela, mpe tika ete banzete nyonso ya zamba eganga na esengo

יעלז שדי וכל-אשר-בו אז ירננו כל-עצי-יער

13 liboso ya Yawe, pamba te azali koya! Solo, azali koya kosambisa mabele; akosambisa mokili na bosembo, mpe bikolo kolanda boyengebene na Ye.

לפני יהוה כי בא-- כי בא לשפט הארץ ישפט-תבל בצדק ועמים באמונתו