Banzembo 94
1 Yawe, Nzambe oyo azongisaka mabe na mabe, Nzambe oyo azongisaka mabe na mabe, mimonisa kati na nkembo na Yo!
| אל נקמות יהוה אל נקמות הופיע׃ |
2 Mosambisi ya mokili, telema mpo na kozongisela bato ya lolendo mabe na mabe na bango!
| הנשא שפט הארץ השב גמול על גאים׃ |
3 Yawe, kino tango nini bato mabe, kino tango nini bato mabe bakosepela?
| עד מתי רשעים יהוה עד מתי רשעים יעלזו׃ |
4 Bazali komilakisa, bazali kobimisa mafinga; bato nyonso ya misala mabe bazali komikumisa!
| יביעו ידברו עתק יתאמרו כל פעלי און׃ |
5 Yawe, bazali konyokola bato na Yo mpe bazali koyokisa libula na Yo pasi;
| עמך יהוה ידכאו ונחלתך יענו׃ |
6 bazali koboma mwasi oyo akufisa mobali, mopaya mpe bana bitike;
| אלמנה וגר יהרגו ויתומים ירצחו׃ |
7 bazali koloba: « Yawe amonaka eloko moko te, Nzambe ya Jakobi asosolaka eloko moko te! »
| ויאמרו לא יראה יה ולא יבין אלהי יעקב׃ |
8 Bino bato ya kilikili, bososola! Bazoba, bokokoma mayele tango nini?
| בינו בערים בעם וכסילים מתי תשכילו׃ |
9 Boni, Ye oyo asala litoyi akoki koyoka te? Ye oyo asala liso akoki komona te?
| הנטע אזן הלא ישמע אם יצר עין הלא יביט׃ |
10 Ye oyo apesaka bikolo etumbu akoki kopesa etumbu te? Ye oyo apesaka bato boyebi.
| היסר גוים הלא יוכיח המלמד אדם דעת׃ |
11 Yawe ayebi makanisi ya bato; ayebi ete ezali na tina te.
| יהוה ידע מחשבות אדם כי המה הבל׃ |
12 Yawe, esengo na moto oyo ozali kozongisa na nzela, moto oyo ozali kolakisa mibeko na Yo
| אשרי הגבר אשר תיסרנו יה ומתורתך תלמדנו׃ |
13 mpo na kopesa ye bopemi na tango ya pasi, kino libulu etimolama mpo na moto mabe!
| להשקיט לו מימי רע עד יכרה לרשע שחת׃ |
14 Pamba te Yawe asundolaka bato na Ye te, abwakaka libula na Ye te.
| כי לא יטש יהוה עמו ונחלתו לא יעזב׃ |
15 Bakosambisa lisusu kolanda bosembo, mpe bato nyonso oyo bazali na mitema alima bakotosa bosembo yango.
| כי עד צדק ישוב משפט ואחריו כל ישרי לב׃ |
16 Nani akotelema mpo na ngai mpo na kotelemela bato mabe? Nani akokotela ngai liboso ya bato ya misala mabe?
| מי יקום לי עם מרעים מי יתיצב לי עם פעלי און׃ |
17 Ah, soki Yawe asungaki ngai te, mbele nakendeki noki na mokili ya kufa!
| לולי יהוה עזרתה לי כמעט שכנה דומה נפשי׃ |
18 Soki nalobi: « Makolo na ngai ekomi kolenga na somo, » bolingo na Yo, Yawe, epesaka ngai makasi.
| אם אמרתי מטה רגלי חסדך יהוה יסעדני׃ |
19 Soki natungisami na makanisi ebele, kobondisama na Yo epesaka ngai esengo.
| ברב שרעפי בקרבי תנחומיך ישעשעו נפשי׃ |
20 Boni, bokonzi ya mabe oyo ememelaka bato pasi na nzela ya mibeko na yango; boni, ezali lisanga moko elongo na Yo?
| היחברך כסא הוות יצר עמל עלי חק׃ |
21 Bato mabe basanganaka mpo na kobundisa bomoi ya moto ya sembo mpe kokatela moto oyo asali mabe te etumbu ya kufa.
| יגודו על נפש צדיק ודם נקי ירשיעו׃ |
22 Kasi Yawe azali, mpo na ngai, ndako batonga makasi; Nzambe na ngai azali libanga epai wapi nazwaka ebombamelo.
| ויהי יהוה לי למשגב ואלהי לצור מחסי׃ |
23 Akozongisela bango mabe na bango mpe akobebisa bango mpo na kanza na bango. Solo, Yawe, Nzambe na ngai, akoboma bango.
| וישב עליהם את אונם וברעתם יצמיתם יצמיתם יהוה אלהינו׃ |
