Banzembo 91
1 Moto oyo awumelaka kati na ebombamelo ya Ye-Oyo-Aleki-Likolo avandaka na se ya bobatelami ya Nkolo-Na-Nguya-Nyonso.
O thou that dwellest in the covert of the Most High, and abidest in the shadow of the Almighty;
2 Nalobaka na tina na Yawe: « Nzambe na ngai azali ebombamelo mpe ndako makasi na ngai; natiaka elikya na ngai kati na Ye! »
I will say of the LORD, who is my refuge and my fortress, my God, in whom I trust,
3 Ye nde akangolaka yo wuta na mitambo ya mokangi bandeke mpe na bokono oyo ebikisaka te.
That He will deliver thee from the snare of the fowler, and from the noisome pestilence.
4 Abombaka yo na se ya mapapu na Ye, mpe ozwaka ebombamelo ya malonga na se ya mapapu na Ye; bolingo na Ye ebatelaka lokola nguba mpe lokola elamba ya ebende.
He will cover thee with His pinions, and under His wings shalt thou take refuge; His truth is a shield and a buckler.
5 Okobanga te somo ya butu, makonga oyo epumbwaka na moyi makasi,
Thou shalt not be afraid of the terror by night, nor of the arrow that flieth by day;
6 bokono oyo etambolaka kati na molili mpe pasi oyo ebebisaka na midi.
Of the pestilence that walketh in darkness, nor of the destruction that wasteth at noonday.
7 Ezala bato nkoto moko bakweyi pembeni na yo, mpe bato nkoto zomi, na ngambo ya loboko na yo ya mobali, ekozwa yo ata moke te.
A thousand may fall at Thy side, and ten thousand at Thy right hand; it shall not come nigh thee.
8 Okotala kaka na miso na yo mpe okomona ndenge nini bato mabe bazali kozwa etumbu lokola lifuti na bango.
Only with thine eyes shalt thou behold, and see the recompense of the wicked.
9 Soki otatoli: « Yawe azali ebombamelo na ngai, » mpe okomisi Ye-Oyo-Aleki-Likolo ekimelo na yo,
For thou hast made the LORD who is my refuge, even the Most High, thy habitation.
10 mabe ata moko te ekokweyela yo, pasi ata moko te ekopusana na ndako na yo;
There shall no evil befall thee, neither shall any plague come nigh thy tent.
11 pamba te akopesa mitindo na ba-anjelu na Ye ete babatela yo malamu na banzela na yo nyonso.
For He will give His angels charge over thee, to keep thee in all thy ways.
12 Bakomema yo na maboko na bango mpo ete lokolo na yo etutana na libanga te;
They shall bear thee upon their hands, lest thou dash thy foot against a stone.
13 okotambola na likolo ya nkosi mpe ya etupa, okonyata nkosi ya monene mpe dalagona.
Thou shalt tread upon the lion and asp; the young lion and the serpent shalt thou trample under feet.
14 Lokola akangami na ngai, nakokangola ye; lokola ayebi Kombo na Ngai, nakobatela ye.
'Because he hath set his love upon Me, therefore will I deliver him; I will set him on high, because he hath known My name.
15 Soki abeleli ngai, nakoyanola ye; nakozala elongo na ye na tango ya pasi, nakokangola ye mpe nakopesa ye lokumu.
He shall call upon Me, and I will answer him; I will be with him in trouble; I will rescue him, and bring him to honour.
16 Nakopesa ye bomoi molayi mpe nakolakisa ye lobiko na ngai.
With long life will I satisfy him, and make Him to behold My salvation.'
