Banzembo 86
1 Libondeli ya Davidi. Yawe, yoka mpe yanola ngai; pamba te nazali mobola mpe moto akelela.
| תפלה לדוד הטה-יהוה אזנך ענני-- כי-עני ואביון אני |
2 Batela bomoi na ngai, pamba te nazali moyengebene na Yo. Yo, Nzambe na ngai, bikisa ngai, mosali na Yo, oyo natiaka elikya kati na Yo.
| שמרה נפשי כי-חסיד אני הושע עבדך אתה אלהי-- הבוטח אליך |
3 Oh Nkolo, yokela ngai mawa; pamba te nabelelaka Yo tango nyonso!
| חנני אדני כי אליך אקרא כל-היום |
4 Nkolo, sepelisa motema na ngai, mosali na Yo, pamba te natombolaka molimo na ngai epai na Yo.
| שמח נפש עבדך כי אליך אדני נפשי אשא |
5 Nkolo, ozali malamu, olimbisaka, otonda na bolingo mpo na bato nyonso oyo babelelaka Yo.
| כי-אתה אדני טוב וסלח ורב-חסד לכל-קראיך |
6 Yawe, yoka losambo na ngai, yoka libondeli na ngai!
| האזינה יהוה תפלתי והקשיבה בקול תחנונותי |
7 Na mokolo ya pasi na ngai, nabelelaka Yo, pamba te oyanolaka ngai.
| ביום צרתי אקראך כי תענני |
8 Nkolo, nzambe moko te ekokani na Yo, kati na banzambe; moko te ekoki kosala makambo oyo Yo osalaka.
| אין-כמוך באלהים אדני ואין כמעשיך |
9 Nkolo, bikolo nyonso oyo osala ekoya kogumbama liboso na Yo mpe ekoya kopesa Kombo na Yo nkembo.
| כל-גוים אשר עשית--יבואו וישתחוו לפניך אדני ויכבדו לשמך |
10 Pamba te ozali monene mpe osalaka bikamwa; Yo kaka nde ozali Nzambe.
| כי-גדול אתה ועשה נפלאות אתה אלהים לבדך |
11 Yawe, lakisa ngai nzela na Yo, mpe nakotambola kolanda bosolo na Yo. Pesa ngai motema ya sembo mpo ete natosa Yo.
| הורני יהוה דרכך-- אהלך באמתך יחד לבבי ליראה שמך |
12 Nkolo, Nzambe na ngai, nakosanzola Yo, na motema na ngai mobimba, nakopesa Kombo na Yo nkembo mpo na Yo libela.
| אודך אדני אלהי--בכל-לבבי ואכבדה שמך לעולם |
13 Pamba te bolingo na Yo mpo na ngai ezali monene, mpe okangolaki ngai wuta na mozindo ya mboka ya bakufi. (Sheol h7585)
| כי-חסדך גדול עלי והצלת נפשי משאול תחתיה (Sheol h7585) |
14 Nzambe, bato ya lofundu bazali kobundisa ngai, mpe ngulupa ya bato na kanza bazali koluka koboma ngai; batosaka Yo ata moke te.
| אלהים זדים קמו-עלי ועדת עריצים בקשו נפשי ולא שמוך לנגדם |
15 Kasi Yo Nkolo, ozali Nzambe na mawa mpe na ngolu, osilikaka noki te, otonda na bolingo mpe na boyengebene.
| ואתה אדני אל-רחום וחנון ארך אפים ורב-חסד ואמת |
16 Balola elongi na Yo epai na ngai mpe yokela ngai mawa; pesa ngai, mosali na Yo, makasi mpe bikisa ngai mwana ya mwasi mosali na Yo!
| פנה אלי וחנני תנה-עזך לעבדך והושיעה לבן-אמתך |
17 Salela ngai elembo ya boboto na Yo mpo ete banguna na ngai bamona yango mpe bakufa soni! Yawe, ozali Mosungi mpe Mobondi na ngai.
| עשה-עמי אות לטובה ויראו שנאי ויבשו-- כי-אתה יהוה עזרתני ונחמתני |
