Banzembo 83
1 Nzembo ya Azafi. Oh Nzambe, kovanda nye te! Nzambe, kokanga monoko na Yo te, kotikala kimia te!
| שיר מזמור לאסף אלהים אל דמי לך אל תחרש ואל תשקט אל׃ |
2 Tala ndenge banguna na Yo bazali kotomboka; tala ndenge bayini na Yo bazali kotombola mito na bango!
| כי הנה אויביך יהמיון ומשנאיך נשאו ראש׃ |
3 Bazali kosalela bato na Yo likita, kokanela bato oyo obatelaka.
| על עמך יערימו סוד ויתיעצו על צפוניך׃ |
4 Bazali koloba: « Boya, toboma bango nyonso mpo ete ekolo na bango ezala lisusu te, mpo ete batanga lisusu kombo ya Isalaele te. »
| אמרו לכו ונכחידם מגוי ולא יזכר שם ישראל עוד׃ |
5 Basangani mpe bayokani, basali boyokani mpo na kotelemela Yo:
| כי נועצו לב יחדו עליך ברית יכרתו׃ |
6 bato ya Edomi mpe bato ya Isimaeli, bato ya Moabi mpe bato ya Agari,
| אהלי אדום וישמעאלים מואב והגרים׃ |
7 Gebali, Amoni mpe Amaleki, bato ya Filisitia elongo na bato ya Tiri.
| גבל ועמון ועמלק פלשת עם ישבי צור׃ |
8 Bato ya Asiri mpe basangani elongo na bango mpo na kobakisa bakitani ya Loti makasi.
| גם אשור נלוה עמם היו זרוע לבני לוט סלה׃ |
9 Sala bango ndenge osalaki Madiani, ndenge osalaki Sisera mpe Yabini, kuna na mayi ya Kishoni.
| עשה להם כמדין כסיסרא כיבין בנחל קישון׃ |
10 Babebisamaki na Eyini-Dori, bakomaki lokola matiti ya kopola mpo na mabele.
| נשמדו בעין דאר היו דמן לאדמה׃ |
11 Sala bato na bango ya lokumu ndenge osalaki Orebi mpe Zeebi; mpe sala bakambi na bango ndenge osalaki Zeba mpe Tsalimuna
| שיתמו נדיבמו כערב וכזאב וכזבח וכצלמנע כל נסיכמו׃ |
12 oyo bazalaki koloba: « Tobotola mabele ya Nzambe! »
| אשר אמרו נירשה לנו את נאות אלהים׃ |
13 Nzambe na ngai, balola bango lokola matiti oyo mopepe ezali kopumbwisa.
| אלהי שיתמו כגלגל כקש לפני רוח׃ |
14 Ndenge moto ezikisaka zamba, ndenge moto makasi ezikisaka bangomba,
| כאש תבער יער וכלהבה תלהט הרים׃ |
15 landa bango na nzela ya mopepe na Yo mpe bangisa bango na nzela ya mopepe makasi na Yo!
| כן תרדפם בסערך ובסופתך תבהלם׃ |
16 Yawe, tondisa bilongi na bango na soni mpo ete baluka Kombo na Yo!
| מלא פניהם קלון ויבקשו שמך יהוה׃ |
17 Tika ete soni mpe somo makasi elata bango mpo na libela! Tika ete bakufa na soni!
| יבשו ויבהלו עדי עד ויחפרו ויאבדו׃ |
18 Tika bayeba ete Yo, oyo Kombo na Yo ezali Yawe, ozali Ye-Oyo-Aleki-Likolo kati na mokili mobimba!
| וידעו כי אתה שמך יהוה לבדך עליון על כל הארץ׃ |
