Banzembo 8

1 Wuta na buku ya mokambi ya bayembi. Nzembo ya Davidi; ezali ya koyemba na lindanda ya bato ya Gati. Oh Yawe, Nkolo na biso, Kombo na Yo ezali monene kati na mokili mobimba! Ovandisi nkembo na Yo kati na Lola.

למנצח על-הגתית מזמור לדוד ב יהוה אדנינו-- מה-אדיר שמך בכל-הארץ אשר תנה הודך על-השמים

2 Na nzela ya masanzoli ya bana mpe bana mike, otelemisi ndako batonga makasi, mpo na kotelemela bayini na Yo mpe kokanga monoko ya monguna mpe ya moto oyo alingaka kozongisa mabe na mabe.

מפי עוללים וינקים-- יסדת-עז למען צורריך להשבית אויב ומתנקם

3 Tango natalaka Lola na Yo, mosala ya misapi na Yo, sanza mpe minzoto oyo otia,

כי-אראה שמיך מעשה אצבעתיך-- ירח וכוכבים אשר כוננתה

4 namitunaka: Moto azali nini mpo ete okanisa ye, mpe moto azali nani mpo ete obatela ye?

מה-אנוש כי-תזכרנו ובן-אדם כי תפקדנו

5 Osalaki ye moke koleka ba-anjelu mpe olatisaka ye motole ya nkembo mpe ya lokumu;

ותחסרהו מעט מאלהים וכבוד והדר תעטרהו

6 otia ye moyangeli ya misala ya maboko na Yo, otia nyonso na se ya matambe na ye:

תמשילהו במעשי ידיך כל שתה תחת-רגליו

7 bameme, bantaba, bangombe mpe banyama ya zamba,

צנה ואלפים כלם וגם בהמות שדי

8 bandeke ya likolo, mbisi ya ebale monene mpe nyonso oyo etambolaka na bibale.

צפור שמים ודגי הים עבר ארחות ימים

9 Oh Yawe, Nkolo na biso, Kombo na Yo ezali monene kati na mokili mobimba!

יהוה אדנינו מה-אדיר שמך בכל-הארץ