Banzembo 76

1 Wuta na buku ya mokambi ya bayembi. Ezali ya koyemba na lindanda. Nzembo ya Azafi. Nzambe ayebani kati na Yuda; Kombo na Ye ezali monene kati na Isalaele.

Dieu est connu en Juda, son nom est grand en Israël.

2 Ndako na Ye ya kapo ezali na Salemi; mpe esika na Ye ya kovanda ezali na Siona.

Son tabernacle est en Salem, et son domicile en Sion.

3 Ezali kuna nde abukaki makonga ya makasi, banguba, mipanga mpe bibundeli nyonso ya bitumba.

C'est là qu'il a brisé les foudres de l'arc, le bouclier, l'épée et la bataille. (Sélah)

4 Ozali kongenga lokola mwinda, otonda na lokumu koleka bangomba ya babotoli bomengo ya bitumba.

Tu es brillant et magnifique, plus que les montagnes des ravisseurs.

5 Bilombe nyonso ya mpiko bakweyisamaki, balalaki pongi na bango ya suka; basoda nyonso bakokaki lisusu te kotombola maboko.

Ils ont été dépouillés, les hommes au cœur fort; ils ont dormi leur sommeil, et tous ces hommes vaillants n'ont plus trouvé leurs mains.

6 Nzambe ya Jakobi, na kanda na Yo, bato oyo babundaka likolo ya bampunda elongo na bampunda bakweyi na somo.

A ta menace, ô Dieu de Jacob, chars et chevaux ont été frappés d'assoupissement.

7 Solo, ozali somo! Nani akokoka kotelema liboso na Yo soki osiliki?

Tu es redoutable, toi! Et qui peut subsister devant toi, dès que paraît ta colère?

8 Wuta na likolo, osalaka ete mokano na Yo eyokana na matoyi ya bato; mokili ekomaka na kobanga mpe evandaka kimia

Lorsque des cieux tu fais entendre ton jugement, la terre est effrayée et se tient en repos;

9 tango, Yo Nzambe, otelemaka mpo na kosambisa mpe kobikisa banyokolami nyonso ya mokili.

Quand tu te lèves, ô Dieu, pour juger, pour délivrer tous les affligés de la terre. (Sélah)

10 Pamba te kanda makasi ya bato esanzolaka Yo, mpe olataka kanda ya batikali.

Certes, la fureur de l'homme tourne à ta louange, quand tu te revêts de tout ton courroux.

11 Epai ya Yawe, Nzambe na bino, bopesa bilaka mpe bokokisa yango. Tika ete bato nyonso oyo bazingeli Ye bamemela Nzambe ya somo makabo!

Faites des vœux, acquittez-les à l'Éternel votre Dieu; que tous ceux qui l'environnent, apportent des dons au Redoutable.

12 Abukaka lolendo ya bakambi, mpe bakonzi ya mokili babangaka Ye.

Il abat l'orgueil des princes; il est redoutable aux rois de la terre.