Banzembo 76
1 Wuta na buku ya mokambi ya bayembi. Ezali ya koyemba na lindanda. Nzembo ya Azafi. Nzambe ayebani kati na Yuda; Kombo na Ye ezali monene kati na Isalaele.
For the leader. With instrumental music. A psalm of Asaph, a song. God has made himself known in Judah, his name is great in Israel.
2 Ndako na Ye ya kapo ezali na Salemi; mpe esika na Ye ya kovanda ezali na Siona.
His tent is in Salem, his dwelling in Zion.
3 Ezali kuna nde abukaki makonga ya makasi, banguba, mipanga mpe bibundeli nyonso ya bitumba.
There he broke the lightning arrows, shield, sword, and weapons of war. (Selah)
4 Ozali kongenga lokola mwinda, otonda na lokumu koleka bangomba ya babotoli bomengo ya bitumba.
Terrible is your splendour on the everlasting mountains.
5 Bilombe nyonso ya mpiko bakweyisamaki, balalaki pongi na bango ya suka; basoda nyonso bakokaki lisusu te kotombola maboko.
Despoiled were the stout of heart; in the sleep into which they had fallen, none of the warriors could lift a hand.
6 Nzambe ya Jakobi, na kanda na Yo, bato oyo babundaka likolo ya bampunda elongo na bampunda bakweyi na somo.
At your rebuke, God of Jacob, sank chariot and horse to sleep.
7 Solo, ozali somo! Nani akokoka kotelema liboso na Yo soki osiliki?
Awful are you: who can stand before you, when once you are angry?
8 Wuta na likolo, osalaka ete mokano na Yo eyokana na matoyi ya bato; mokili ekomaka na kobanga mpe evandaka kimia
The judgment you gave from heaven frightened the earth into silence,
9 tango, Yo Nzambe, otelemaka mpo na kosambisa mpe kobikisa banyokolami nyonso ya mokili.
when God arose to judgment to save the oppressed of the earth. (Selah)
10 Pamba te kanda makasi ya bato esanzolaka Yo, mpe olataka kanda ya batikali.
The fiercest will praise you, to you will the remnant hold festival.
11 Epai ya Yawe, Nzambe na bino, bopesa bilaka mpe bokokisa yango. Tika ete bato nyonso oyo bazingeli Ye bamemela Nzambe ya somo makabo!
Vow and pay to Lord your God, and let all who are round him bring presents.
12 Abukaka lolendo ya bakambi, mpe bakonzi ya mokili babangaka Ye.
He lops off the courage of princes, and with terror fills kings of the earth.
