Banzembo 74
1 Nzembo ya Azafi. Oh Nzambe, mpo na nini kosundola biso mpo na tango nyonso? Mpo na nini kongalisa kanda na Yo likolo ya etonga oyo oleisaka?
| משכיל לאסף למה אלהים זנחת לנצח יעשן אפך בצאן מרעיתך׃ |
2 Kanisa lisusu lisanga ya bato na Yo, oyo osikola wuta kala, libota oyo okomisa libula na Yo. Kanisa ngomba Siona epai wapi ovandaka.
| זכר עדתך קנית קדם גאלת שבט נחלתך הר ציון זה שכנת בו׃ |
3 Tika ete matambe na Yo ekoma kino na bisika oyo ebebi nye! Kati na Esika na Yo ya bule, monguna abebisi nyonso;
| הרימה פעמיך למשאות נצח כל הרע אויב בקדש׃ |
4 bayini na Yo bagangi lokola nkosi, ata kati na esika oyo okutanaka na biso, batelemisi bendele na bango lokola elembo.
| שאגו צרריך בקרב מועדך שמו אותתם אתות׃ |
5 Bazali lokola bato oyo basimbi bipasola mpe bazali kokata banzete kati na zamba.
| יודע כמביא למעלה בסבך עץ קרדמות׃ |
6 Babuki-buki bililingi nyonso oyo batobola na mabaya, na nzela ya bipasola mpe bamarto na bango;
| ועת פתוחיה יחד בכשיל וכילפת יהלמון׃ |
7 batumbi Esika na Yo ya bule, bakweyisi mpe bakomisi mbindo esika oyo Kombo na Yo evandaka.
| שלחו באש מקדשך לארץ חללו משכן שמך׃ |
8 Bazalaki komilobela: « Tokopanza yango nyonso! » Kati na mokili, bazikisi esika nyonso epai wapi bagumbamelaka Nzambe.
| אמרו בלבם נינם יחד שרפו כל מועדי אל בארץ׃ |
9 Tozali lisusu komona te bilembo na biso, basakoli bazali lisusu te; mpe moko te kati na biso ayebi tango boni makambo oyo ekowumela.
| אותתינו לא ראינו אין עוד נביא ולא אתנו ידע עד מה׃ |
10 Oh Nzambe, kino tango nini monguna akofinga Yo? Boni, akokoba tango nyonso kotiola Kombo na Yo?
| עד מתי אלהים יחרף צר ינאץ אויב שמך לנצח׃ |
11 Mpo na nini ozongisi loboko na Yo na sima, loboko na Yo ya mobali? Mpo na nini okangi maboko na Yo?
| למה תשיב ידך וימינך מקרב חוקך כלה׃ |
12 Nzokande, Yo Nzambe, ozali Mokonzi na ngai wuta kala; Yo nde omemaka lobiko kati na mokili.
| ואלהים מלכי מקדם פעל ישועות בקרב הארץ׃ |
13 Yo nde opasolaki ebale na nguya na Yo, opanzaki mito ya bilima ya mayi;
| אתה פוררת בעזך ים שברת ראשי תנינים על המים׃ |
14 Yo nde opanzaki mito ya Leviatani mpe opesaki yango lokola bilei epai ya banyama ya esobe;
| אתה רצצת ראשי לויתן תתננו מאכל לעם לציים׃ |
15 Yo nde osalaki ete bitima ya mayi mpe miluka etiola, mpe okawusaki bibale mpo na libela.
| אתה בקעת מעין ונחל אתה הובשת נהרות איתן׃ |
16 Moyi ezali ya Yo, butu mpe ezali ya Yo; Yo nde osalaki sanza mpe moyi.
| לך יום אף לך לילה אתה הכינות מאור ושמש׃ |
17 Ezali Yo nde otiaki bandelo nyonso ya mokili, Yo nde osalaki tango ya malili mpe tango ya moyi.
| אתה הצבת כל גבולות ארץ קיץ וחרף אתה יצרתם׃ |
18 Yawe, kobosana te ete monguna afingi Yo, ete bato bazanga tina batioli Kombo na Yo!
| זכר זאת אויב חרף יהוה ועם נבל נאצו שמך׃ |
19 Kokaba te bomoi ya ebenga na Yo na monoko ya nyama oyo ezali na nzala, kobosana te mpo na libela bomoi ya babola oyo bazali bato na Yo!
| אל תתן לחית נפש תורך חית ענייך אל תשכח לנצח׃ |
20 Tala lisusu Boyokani na Yo! Pamba te, kati na mokili, bisika ya molili ekomi ebele, etondi na makambo na kanza.
| הבט לברית כי מלאו מחשכי ארץ נאות חמס׃ |
21 Sala ete moto oyo bazali konyokola azwa lisusu lokumu! Sala ete mobola mpe moto akelela bakumisa Kombo na Yo.
| אל ישב דך נכלם עני ואביון יהללו שמך׃ |
22 Oh Nzambe, telema mpe lobela Kombo na Yo! Kanisa lisusu ndenge nini bazoba bafingaka Yo mikolo nyonso!
| קומה אלהים ריבה ריבך זכר חרפתך מני נבל כל היום׃ |
23 Kobosana te makelele ya bayini na Yo, mangungu ya banguna na Yo, oyo ezali kaka komata se komata!
| אל תשכח קול צרריך שאון קמיך עלה תמיד׃ |
