Banzembo 69
1 Wuta na buku ya mokambi ya bayembi. Nzembo ya Davidi: ezali ya koyemba lokola « lisi. » Nzambe, bikisa ngai, pamba te mayi ekomi na kingo na ngai.
達味作，交與樂官，調寄「百合。」 天主，求您從速拯救我；因大水已到我的頸脖。
2 Nazali kozinda na potopoto, na mozindo makasi epai wapi eloko ya kosimba ezali te; nakiti na mozindo ya mayi, mbonge ememi ngai.
我陷於泥獰中，沒有立足的處所；我沈入深水中，波濤已掩蓋了我。
3 Nalembi nzoto likolo ya kobelela lisungi; mongongo na ngai ekawuki, miso na ngai elembi mpo na kotalela Nzambe na ngai.
我呼號得筋疲力竭，我已咽喉焦乾；我常期望我的天主，我已望眼欲穿。
4 Bato oyo bayinaka ngai na kozanga tina bazali ebele koleka motango ya suki ya moto na ngai; ba-oyo balukaka kobebisa bomoi na ngai, oyo bazali banguna na ngai kaka pamba, bazali bato na nguya; bazali kosenga ngai na makasi ete nazongisa eloko oyo nayibaki te.
無故憎恨我的人，比我的頭髮更繁，無理敵對我的人，比我的骨頭更堅硬；我沒有搶奪過的，我反而應該償還。
5 Nzambe, oyebi bozoba na ngai, mpe mabe na ngai ezali ya kobombama te na miso na Yo.
天主，我的愚昧，您知道得更為周詳。我的過犯，不能向您掩蓋隱藏。
6 Nkolo Yawe, Mokonzi ya mampinga, tika ete ba-oyo batiaka elikya kati na Yo basila lokumu te likolo na ngai! Nzambe ya Isalaele, tika ete bato oyo balukaka Yo bayokisama soni te likolo na ngai!
上主，萬軍的上主，願那仰望您的人，不要因我而蒙羞，以色列人的天主，願那尋覓您的人，不要因我而受辱。
7 Pamba te nandimi kofingama mpo na Yo, mpe soni ezipi ngai elongi.
因為，我為了您已飽受欺凌，羞愧已經籠罩了我的面容。
8 Bandeko na ngai bakomi kozwa ngai lokola moto oyo bayebi te, nakomi lokola mopaya na miso ya bana ya mama na ngai.
連我的兄弟們都以我為外賓，我母親的兒子都拿我當客人。
9 Pamba te bolingo oyo nazali na yango mpo na ndako na Yo ezali kozikisa ngai, mpe mafinga ya bato oyo bafingaka Yo ezali kokweya na moto na ngai.
我對您殿宇所懷的熱忱把我耗盡，並且那侮辱您者的辱罵落於我身。
10 Soki naleli mpe nakili bilei, nasengeli kaka kofingama;
我含淚齋戒克己苦身，竟成了我受辱的原因；
11 soki nalati saki, bato basalaka masapo mpo na kotiola ngai.
我身上穿著麻布當作衣裳，也竟成了他們取笑的對象。
12 Bato oyo bavandi na ekuke batiolaka ngai, balangwi masanga bayembaka kombo na ngai kati na banzembo na bango.
閒坐門口的人，對我議論紛紛，喝醉烈酒的人，對我歌唱戲弄。
13 Yawe, nabondeli Yo! Nzambe, tango ekoki, tango ya kotalisa ngai bolingo monene na Yo! Yanola ngai na nzela ya boyengebene mpe lobiko na Yo!
上主，在這困厄的時日，我只有求救於您；天主，求您按您豐厚的慈愛應允我，求您以您救援的忠誠俯聽我。
14 Bimisa ngai na potopoto, sala ete nazinda lisusu te, nakangolama wuta na maboko ya bayini na ngai mpe nabima na mayi ya mozindo!
求您救我於污泥中，不要讓我沉沒。救我脫離恨我的人，走出大水旋渦，
15 Tika ete mbonge ya mayi emema ngai lisusu te, mozindo emela lisusu ngai te, mpe libulu ekangamela ngai te!
求您不要讓波浪淹沒我，深淵吞滅我，也不要讓地窖合上自己的口埋葬我。
16 Yawe, yanola ngai, pamba te bolingo na Yo ezali malamu; baluka epai na ngai, na mawa monene na Yo.
上主，求您照您和藹的慈愛俯允我，求您按您深厚的仁慈眷顧我。
17 Kobombela lisusu mosali na Yo te elongi na Yo. Yanola ngai noki, pamba te nazali na pasi.
求您不要向您的僕人隱藏您的慈顏，因為我正處在困厄中，求您從速垂憐。
18 Pusana pene na ngai, mpe sikola ngai; kangola ngai wuta na maboko ya bayini na ngai.
求您親近我的靈魂，施予救贖，為了我的諸般仇敵，求您救護。
19 Oyebi ndenge nini nazali kofingama, oyebi soni mpe kosambwa na ngai; banguna na ngai nyonso bazali liboso na Yo.
我受的侮辱、欺凌和恥笑，您都識穿；欺凌迫害我的眾人，都在您的眼前。
20 Mafinga ezokisi motema na ngai, mpe pota yango ezali kosila te; nazelaki elembo ya mawa kowuta na bato, kasi namonaki yango te; nalukaki babondisi, kasi namonaki bango te.
侮辱破碎了我心，使我憂傷難過；我期望有人同情，卻未尋到一個，我渴盼有人來安慰，也未找到一個。
21 Batiaki ngenge kati na bilei na ngai, mpe bamelisaki ngai vino ya ngayi tango nayokaki posa ya mayi.
他們在我的食物中，攙上了苦膽，我口渴時，竟遞來酸醋要我下嚥，
22 Tika ete mesa na bango ekoma motambo liboso na bango, mpe kimia na bango ekoma monyama.
願他們的筵席變成網羅，為同席的友人變為圈套！
23 Tika ete miso na bango ekufa mpo ete bamona lisusu te, mpe babela mikongo mpo na libela.
願他們的眼睛昏迷失明，使他們的雙腰顫抖不停！
24 Sopela bango kanda makasi na Yo, mpe tika ete kanda na Yo ya makasi ekanga bango.
求您向他們傾洩您的盛怒，讓您的怒火把他們籠罩住。
25 Tika ete molako na bango etikala polele, mpe ete moto moko te avanda na bandako na bango ya kapo.
願他們的居所變成荒土，願他們的帳幕無人再住！
26 Pamba te bazali konyokola bato oyo ozokisaki, mpe bazali kopanza sango ya pasi ya bato oyo oyokisaki pasi.
因為他們繼續打擊您所打擊的人，他們另加苦害您所傷殘的人。
27 Bakisa mabe na likolo ya mabe na bango, mpe kokota likambo na bango te na bosembo na Yo.
願您在他們的罪罰上增加罪罰，不要使他們在您面前稱義自誇。
28 Tika ete bakombo na bango elongwa na buku ya bomoi, mpe batangama te na molongo ya bato ya sembo.
願他們從生命冊上全被塗去，不要讓他們與義人同被錄取：
29 Solo, nazali mobola mpe moto ya pasi; kasi lobiko na Yo, oh Nzambe, ebatelaka ngai.
天主，我既貧乏而又憂苦，願您的救助賜給我衛護：
30 Nakoyemba mpo na lokumu ya Kombo ya Nzambe, mpe nakopesa Ye nkembo elongo na matondi.
我要用詩歌讚美天主的名號，並要用感恩的心給天主增耀：
31 Yango nde ekosepelisa Yawe, koleka ngombe oyo ezali na maseke mpe na makolo ekabwana.
這將使上主滿心歡愉，勝於蹄角具全的牛犢。
32 Babola bamoni mpe bazali kosepela. Tika ete mitema na bino oyo bolukaka Nzambe ezala na bomoi!
卑微的人們，您們要觀看，並要喜慶，尋求天主的人，您們的心必要興奮，
33 Pamba te Yawe ayokaka bato oyo bakelela, mpe atiolaka bato na Ye te ata bazali bakangami kati na boloko.
因為對貧苦的人，上主常予俯聽；對他的俘虜，他決不會看輕。
34 Tika ete likolo mpe mabele, bibale minene mpe nyonso oyo ezali kati na yango ekumisa Ye!
願上天下地都歌頌讚美他，海洋和一切水族都稱揚他！
35 Pamba te Nzambe akobikisa Siona mpe akotonga lisusu bingumba ya Yuda. Bato bakovanda kuna mpe bakozwa yango lokola libula na bango.
因為天主要拯救熙雍，建造猶大的城池：使他的僕人住在那裏，並佔有作基地。
36 Bakitani ya basali na Ye bakozwa yango lokola libula, mpe bato oyo balingaka Kombo na Ye bakovanda kati na yango.
他僕人的後裔將要承繼此邑，愛慕他名的人也要住在這裏。
