Banzembo 6

1 Wuta na buku ya mokambi ya bayembi. Nzembo ya Davidi; ezali ya koyemba na lindanda ya basinga mwambe. Yawe, kopesa ngai etumbu te na kanda na Yo, kopesa ngai etumbu te na kanda makasi na Yo.

For the Chief Musician; on stringed instruments, upon the eight-stringed lyre. A Psalm by David. LORD, don’t rebuke me in your anger, neither discipline me in your wrath.

2 Yawe, yokela ngai mawa, pamba te nazangi makasi. Yawe, bikisa ngai na bokono, pamba te mikuwa na ngai elembi.

Have mercy on me, LORD, for I am faint. LORD, heal me, for my bones are troubled.

3 Molimo na ngai ezali kotungisama makasi; bongo Yo, Yawe, kino tango nini?

My soul is also in great anguish. But you, LORD—how long?

4 Yawe, zongela ngai, mpe kokangola ngai, bikisa ngai, mpo na bolingo na Yo.

Return, LORD. Deliver my soul, and save me for your loving kindness’ sake.

5 Pamba te bakufi bakoki lisusu te kotatola Kombo na Yo te! Mpe kati na mboka ya bakufi, nani akoki kokumisa Yo? (Sheol h7585)

For in death there is no memory of you. In Sheol, who shall give you thanks? (Sheol h7585)

6 Kolela elembisi ngai nzoto. Butu nyonso, nalelaka na mbeto na ngai, mpe napolisaka na mpinzoli, esika oyo nalalaka.

I am weary with my groaning. Every night I flood my bed. I drench my couch with my tears.

7 Miso na ngai ebebi mpo na mawa; ezali lisusu komona malamu te likolo ya banyokoli na ngai.

My eye wastes away because of grief. It grows old because of all my adversaries.

8 Bino nyonso oyo bosalaka mabe, bolongwa liboso na ngai, pamba te Yawe ayoki kolela na ngai.

Depart from me, all you workers of iniquity, for the LORD has heard the voice of my weeping.

9 Yawe ayanoli mabondeli na ngai mpe ayambi losambo na ngai.

The LORD has heard my supplication. The LORD accepts my prayer.

10 Banguna na ngai nyonso bakoyoka soni, mpe somo monene ekokanga bango; bakozonga na sima mpe bakoyoka mbala moko soni.

May all my enemies be ashamed and dismayed. They shall turn back, they shall be disgraced suddenly.