Banzembo 47

1 Nzembo ya bana ya Kore. Wuta na buku ya mokambi ya bayembi. Bino nyonso, bikolo, bobeta maboko! Boganga epai na Nzambe na esengo nyonso.

Til sangmesteren; av Korahs barn; en salme. Klapp i hender, alle folk, juble for Gud med fryderop.

2 Tala ndenge nini Yawe, Ye-Oyo-Aleki-Likolo, azali somo! Azali Mokonzi Monene na mokili mobimba.

For Herren, den Høieste, er forferdelig, en stor konge over all jorden.

3 Atiaki bikolo na se na biso, mpe mabota na se ya bokonzi na biso.

Han legger folkeslag under oss og folkeferd under våre føtter.

4 Aponelaki biso libula na biso, oyo ezali lokumu ya Jakobi, molingami na Ye.

Han utvelger oss vår arvelodd, Jakobs, hans elskedes herlighet. (Sela)

5 Nzambe amataki kati na koganga ya esengo; Yawe ayaka kati na lokito ya kelelo.

Gud fór op under jubelrop, Herren under basuners lyd.

6 Boyemba mpo na lokumu ya Nzambe, boyemba mpo na lokumu na Ye. Boyemba mpo na lokumu ya Mokonzi na biso, boyemba mpo na lokumu na Ye.

Lovsyng Gud, lovsyng! Lovsyng vår konge, lovsyng!

7 Pamba te Nzambe azali Mokonzi ya mokili mobimba; boyemba nzembo mpo na lokumu na Ye.

For Gud er all jordens konge; syng en sang som gjør vis!

8 Nzambe akonzaka bikolo nyonso; Nzambe avandi na Kiti na Ye ya bule.

Gud er konge over folkene, Gud har satt sig på sin hellige trone.

9 Bato minene ya bikolo basangani, lokola bato ya Nzambe ya Abrayami, pamba te bilombe ya mokili bazali ya Nzambe; atombwama makasi.

Folkenes fyrster samler sig med Abrahams Guds folk; for jordens skjold hører Gud til, han er såre ophøiet.