Banzembo 47

1 Nzembo ya bana ya Kore. Wuta na buku ya mokambi ya bayembi. Bino nyonso, bikolo, bobeta maboko! Boganga epai na Nzambe na esengo nyonso.

Au maître de chant. Des fils de Coré. Psaume. Vous tous, peuples, battez des mains, célébrez Dieu par des cris d’allégresse!

2 Tala ndenge nini Yawe, Ye-Oyo-Aleki-Likolo, azali somo! Azali Mokonzi Monene na mokili mobimba.

Car Yahweh est très haut, redoutable, grand roi sur toute la terre.

3 Atiaki bikolo na se na biso, mpe mabota na se ya bokonzi na biso.

Il nous assujettit les peuples, il met les nations sous nos pieds.

4 Aponelaki biso libula na biso, oyo ezali lokumu ya Jakobi, molingami na Ye.

Il nous choisit notre héritage, la gloire de Jacob, son bien-aimé. — Séla.

5 Nzambe amataki kati na koganga ya esengo; Yawe ayaka kati na lokito ya kelelo.

Dieu monte à son sanctuaire au milieu des acclamations; Yahweh, au son de la trompette.

6 Boyemba mpo na lokumu ya Nzambe, boyemba mpo na lokumu na Ye. Boyemba mpo na lokumu ya Mokonzi na biso, boyemba mpo na lokumu na Ye.

Chantez à Dieu, chantez! chantez à notre Roi, chantez!

7 Pamba te Nzambe azali Mokonzi ya mokili mobimba; boyemba nzembo mpo na lokumu na Ye.

Car Dieu est roi de toute la terre; chantez un cantique de louange.

8 Nzambe akonzaka bikolo nyonso; Nzambe avandi na Kiti na Ye ya bule.

Dieu règne sur les nations, il siège sur son trône saint.

9 Bato minene ya bikolo basangani, lokola bato ya Nzambe ya Abrayami, pamba te bilombe ya mokili bazali ya Nzambe; atombwama makasi.

Les princes des peuples se réunissent pour former aussi un peuple du Dieu d’Abraham; car à Dieu sont les boucliers de la terre; Il est souverainement élevé.