Banzembo 44
1 Nzembo ya bana ya Kore. Wuta na buku ya mokambi ya bayembi. Nzambe, toyokaki na matoyi na biso; bakoko na biso babetelaki biso lisolo ya makambo oyo osalaki na tango na bango, na tango ya kala.
| למנצח לבני קרח משכיל אלהים באזנינו שמענו אבותינו ספרו לנו פעל פעלת בימיהם בימי קדם׃ |
2 Na nguya na Yo, obenganaki bikolo mpe otiaki bakoko na biso; obetaki bikolo ya bapaya mpe ofulukisaki bakoko na biso.
| אתה ידך גוים הורשת ותטעם תרע לאמים ותשלחם׃ |
3 Pamba te ezalaki na mopanga na bango te nde babotolaki mokili, ezalaki mpe maboko na bango te nde ebikisaki bango; kasi ezalaki nde loboko na Yo ya mobali, nguya na Yo mpe pole ya elongi na Yo, pamba te ozalaki kolinga bango.
| כי לא בחרבם ירשו ארץ וזרועם לא הושיעה למו כי ימינך וזרועך ואור פניך כי רציתם׃ |
4 Oh Nzambe, Yo oyo ozali Mokonzi na ngai, pesa mitindo mpo na elonga ya Jakobi.
| אתה הוא מלכי אלהים צוה ישועות יעקב׃ |
5 Na lisungi na Yo, tolongaka banguna na biso, mpe na Kombo na Yo, tonyataka bayini na biso.
| בך צרינו ננגח בשמך נבוס קמינו׃ |
6 Pamba te natiaka elikya te na tolotolo na ngai, mpe mopanga na ngai ebikisaka ngai te.
| כי לא בקשתי אבטח וחרבי לא תושיעני׃ |
7 Kasi ezali Yo nde obikisaka biso wuta na maboko ya bayini na biso, mpe oyokisaka bayini na biso soni.
| כי הושעתנו מצרינו ומשנאינו הבישות׃ |
8 Tomikumisaka mikolo nyonso kati na Nzambe mpe tokokumisa Kombo na Yo mpo na libela.
| באלהים הללנו כל היום ושמך לעולם נודה סלה׃ |
9 Kasi obwaki biso, oyokisi biso soni mpe ozali lisusu kotambola te elongo na mampinga na biso.
| אף זנחת ותכלימנו ולא תצא בצבאותינו׃ |
10 Otiki biso kokima liboso ya banguna na biso; mpe bayini na biso bazwi biloko na biso na makasi.
| תשיבנו אחור מני צר ומשנאינו שסו למו׃ |
11 Osundoli biso na maboko na bango lokola bameme ya koboma mpe opanzi biso kati na bikolo.
| תתננו כצאן מאכל ובגוים זריתנו׃ |
12 Oteki bato na Yo na pamba mpe ozwi ata litomba te kowuta na boteki yango.
| תמכר עמך בלא הון ולא רבית במחיריהם׃ |
13 Okomisi biso eloko ya lisuma na miso ya bato oyo bazali pembeni na biso, eloko ya litio mpe ya liseki na miso ya bato oyo bazali zingazinga na biso.
| תשימנו חרפה לשכנינו לעג וקלס לסביבותינו׃ |
14 Okomisi biso lisapo kati na bikolo, mpe bato bakomi koningisa mito na bango mpo na biso.
| תשימנו משל בגוים מנוד ראש בל אמים׃ |
15 Kosambwa ekomi tango nyonso liboso na ngai mpe soni ezipi elongi na ngai,
| כל היום כלמתי נגדי ובשת פני כסתני׃ |
16 mpo na litio ya bato oyo bazali kofinga mpe kopamela ngai, mpe ya monguna oyo akangela ngai kanda.
| מקול מחרף ומגדף מפני אויב ומתנקם׃ |
17 Makambo wana nyonso ekweyeli biso atako tobosanaki Yo te mpe tobebisaki Boyokani na Yo te,
| כל זאת באתנו ולא שכחנוך ולא שקרנו בבריתך׃ |
18 atako mitema na biso epengwaki te mpe totamboli libanda ya nzela na Yo te.
| לא נסוג אחור לבנו ותט אשרינו מני ארחך׃ |
19 Pamba te onyokolaki biso kati na etando ya bambwa ya zamba mpe ozipaki biso na molili makasi.
| כי דכיתנו במקום תנים ותכס עלינו בצלמות׃ |
20 Soki tobosanaki Kombo ya Nzambe na biso to totombolaki maboko na biso epai ya nzambe ya mopaya,
| אם שכחנו שם אלהינו ונפרש כפינו לאל זר׃ |
21 boni, Nzambe na biso alingaki koyeba yango te, lokola asosolaka mozindo ya mitema?
| הלא אלהים יחקר זאת כי הוא ידע תעלמות לב׃ |
22 Pamba te, likolo na Yo, babomaka biso mikolo nyonso mpe bazwaka biso lokola bameme ya koboma.
| כי עליך הרגנו כל היום נחשבנו כצאן טבחה׃ |
23 Nkolo, lamuka! Mpo na nini ozali kolala? Lamuka, kobwaka biso te mpo na libela.
| עורה למה תישן אדני הקיצה אל תזנח לנצח׃ |
24 Yawe, mpo na nini ozali kobomba elongi na Yo? Mpo na nini ozali kobosana pasi mpe minyoko na biso?
| למה פניך תסתיר תשכח ענינו ולחצנו׃ |
25 Pamba te tokweyi na putulu, mpe nzoto na biso ekangami na mabele.
| כי שחה לעפר נפשנו דבקה לארץ בטננו׃ |
26 Telema, yaka kosunga biso, kangola biso mpo na bolingo na Yo!
| קומה עזרתה לנו ופדנו למען חסדך׃ |
