Banzembo 34
1 Nzembo ya Davidi. Ayembaki yango tango akosanaki liboma liboso ya Abimeleki oyo abenganaki ye, mpe akendeki. Nakopambola Yawe tango nyonso, nakokumisa Ye mikolo nyonso na bibebu na ngai.
| לדוד-- בשנותו את-טעמו לפני אבימלך ויגרשהו וילך ב אברכה את-יהוה בכל-עת תמיד תהלתו בפי |
2 Tika ete bomoi na ngai emikumisa kati na Yawe; tika ete banyokolami bayoka mpe basepela!
| ביהוה תתהלל נפשי ישמעו ענוים וישמחו |
3 Boya kosakola elongo na ngai ete Yawe azali monene! Tonetola Kombo na Ye, biso nyonso.
| גדלו ליהוה אתי ונרוממה שמו יחדו |
4 Nalukaki Yawe, mpe ayanolaki ngai; akangolaki ngai na somo na ngai nyonso.
| דרשתי את-יהוה וענני ומכל-מגורותי הצילני |
5 Bato oyo batalaka epai na Ye bangengaka na esengo, mpe bayokisamaka soni ata moke te.
| הביטו אליו ונהרו ופניהם אל-יחפרו |
6 Mobola agangaki, mpe Yawe ayokaka ye; abikisaki ye na pasi na ye nyonso.
| זה עני קרא ויהוה שמע ומכל-צרותיו הושיעו |
7 Anjelu ya Yawe atongaka molako na ye zingazinga ya bato oyo batosaka Yawe, mpe akangolaka bango.
| חנה מלאך-יהוה סביב ליראיו ויחלצם |
8 Bomeka elengi mpe botala ndenge nini Yawe azali malamu; Esengo na moto oyo azwaka Yawe lokola ebombamelo na ye!
| טעמו וראו כי-טוב יהוה אשרי הגבר יחסה-בו |
9 Bino basantu ya Yawe, botosa Yawe; pamba te bato oyo batosaka Ye bazangaka eloko moko te.
| יראו את-יהוה קדשיו כי-אין מחסור ליראיו |
10 Bana ya nkosi ezangaka mpe ekufaka nzala, kasi bato oyo balukaka Yawe bakozanga eloko moko.
| כפירים רשו ורעבו ודרשי יהוה לא-יחסרו כל-טוב |
11 Bana na ngai, boya, boyoka ngai; Nakolakisa bino kotosa Yawe.
| לכו-בנים שמעו-לי יראת יהוה אלמדכם |
12 Nani asepelaka na bomoi? Nani alingaka kobika mikolo ebele ya esengo?
| מי-האיש החפץ חיים אהב ימים לראות טוב |
13 Batela lolemo na yo mosika na mabe, mpe bibebu na yo ete eloba lokuta te.
| נצר לשונך מרע ושפתיך מדבר מרמה |
14 Zala mosika na mabe mpe sala bolamu, luka kimia mpe koba na yango.
| סור מרע ועשה-טוב בקש שלום ורדפהו |
15 Miso ya Yawe etalaka bato ya sembo, mpe matoyi na Ye eyokaka koganga na bango;
| עיני יהוה אל-צדיקים ואזניו אל-שועתם |
16 kasi Yawe apesaka bato mabe mokongo mpo ete bakanisa bango lisusu te kati na mokili.
| פני יהוה בעשי רע להכרית מארץ זכרם |
17 Tango bato ya sembo babelelaka, Yawe ayokaka mpe akangolaka bango na pasi na bango nyonso.
| צעקו ויהוה שמע ומכל-צרותם הצילם |
18 Yawe azali pene ya bato oyo bazoki na mitema mpe abikisaka ba-oyo balembi na milimo na bango.
| קרוב יהוה לנשברי-לב ואת-דכאי-רוח יושיע |
19 Pasi mingi ekangaka moto ya sembo, kasi Yawe akangolaka ye na nyonso,
| רבות רעות צדיק ומכלם יצילנו יהוה |
20 abatelaka mikuwa na ye nyonso mpo ete moko te kati na yango ebukana.
| שמר כל-עצמותיו אחת מהנה לא נשברה |
21 Mabe ebomaka moto mabe, mpe bayini ya moto ya sembo bakozwa etumbu.
| תמותת רשע רעה ושנאי צדיק יאשמו |
22 Yawe akangolaka bomoi ya basali na Ye; mpe bato nyonso oyo bazwaka Ye lokola ebombamelo na bango bakozwa etumbu te.
| פדה יהוה נפש עבדיו ולא יאשמו כל-החסים בו |
