Banzembo 33
1 Bino bato ya sembo, bobeta milolo ya esengo na tina na Yawe! Kokumisa Nzambe ebongi na bato oyo bazali alima.
| רננו צדיקים ביהוה לישרים נאוה תהלה |
2 Bosanzola Yawe na nzenze, bosanzola Ye na lindanda ya basinga zomi.
| הודו ליהוה בכנור בנבל עשור זמרו-לו |
3 Boyembela Yawe nzembo ya sika, bobetisa bibetelo mindule elongo na koganga ya esengo.
| שירו-לו שיר חדש היטיבו נגן בתרועה |
4 Pamba te Liloba na Yawe ezali alima, misala na Ye nyonso ekokisamaka na boyengebene.
| כי-ישר דבר-יהוה וכל-מעשהו באמונה |
5 Yawe alingaka bosembo mpe alima; mokili etondi na bolingo na Ye.
| אהב צדקה ומשפט חסד יהוה מלאה הארץ |
6 Likolo ekelamaki na Liloba na Yawe; mampinga na yango nyonso, na nzela ya pema ya monoko na Ye.
| בדבר יהוה שמים נעשו וברוח פיו כל-צבאם |
7 Asangisaka mayi ya bibale minene esika moko, mpe atiaka yango na bisika ya mozindo.
| כנס כנד מי הים נתן באוצרות תהומות |
8 Tika ete mokili mobimba etosa Yawe! Tika ete bavandi nyonso ya mokili balenga liboso na Ye.
| ייראו מיהוה כל-הארץ ממנו יגורו כל-ישבי תבל |
9 Pamba te alobaki, mpe likambo esalemaki; mpe apesaki mitindo, mpe emonanaki.
| כי הוא אמר ויהי הוא-צוה ויעמד |
10 Yawe akweyisaka mikano ya bikolo, abebisaka mabongisi ya bato.
| יהוה הפיר עצת-גוים הניא מחשבות עמים |
11 Kasi mikano ya Yawe etikalaka mpo na seko, mabongisi ya motema na Ye, mpo na bikeke nyonso.
| עצת יהוה לעולם תעמד מחשבות לבו לדר ודר |
12 Esengo na ekolo oyo Yawe azali Nzambe na yango. Esengo na bato oyo aponaki mpo na libula na Ye.
| אשרי הגוי אשר-יהוה אלהיו העם בחר לנחלה לו |
13 Yawe atalaka wuta na likolo, amonaka bana nyonso ya bato.
| משמים הביט יהוה ראה את-כל-בני האדם |
14 Wuta na evandelo na Ye, atalaka bavandi nyonso ya mokili.
| ממכון-שבתו השגיח-- אל כל-ישבי הארץ |
15 Ye oyo asalaka mitema nyonso ya bato asosolaka makambo nyonso oyo basalaka.
| היצר יחד לבם המבין אל-כל-מעשיהם |
16 Ezali te limpinga monene nde ebikisaka mokonzi to nguya monene nde ekangolaka elombe.
| אין-המלך נושע ברב-חיל גבור לא-ינצל ברב-כח |
17 Mpunda ezali na nguya te ya kopesa lobiko, makasi na yango nyonso ekangolaka te.
| שקר הסוס לתשועה וברב חילו לא ימלט |
18 Nzokande Yawe atalaka bato oyo batosaka Ye, ba-oyo batiaka elikya na bolingo kati na Ye,
| הנה עין יהוה אל-יראיו למיחלים לחסדו |
19 mpo na kokangola bango na kufa mpe kobatela bango na bomoi ata na tango ya nzala makasi.
| להציל ממות נפשם ולחיותם ברעב |
20 Totielaka Yawe motema; azali lisungi mpe nguba na biso.
| נפשנו חכתה ליהוה עזרנו ומגננו הוא |
21 Solo, mitema na biso esepelaka kati na Ye, pamba te totiaka elikya na biso kati na Kombo na Ye ya bule.
| כי-בו ישמח לבנו כי בשם קדשו בטחנו |
22 Yawe, lokola totiaka elikya na biso kati na Yo, tika ete bolingo na Yo ezala elongo na biso.
| יהי-חסדך יהוה עלינו כאשר יחלנו לך |
