Banzembo 33
1 Bino bato ya sembo, bobeta milolo ya esengo na tina na Yawe! Kokumisa Nzambe ebongi na bato oyo bazali alima.
Be glad in the Lord, O doers of righteousness; for praise is beautiful for the upright.
2 Bosanzola Yawe na nzenze, bosanzola Ye na lindanda ya basinga zomi.
Give praise to the Lord on the corded instrument; make melody to him with instruments of music.
3 Boyembela Yawe nzembo ya sika, bobetisa bibetelo mindule elongo na koganga ya esengo.
Make a new song to him; playing expertly with a loud noise.
4 Pamba te Liloba na Yawe ezali alima, misala na Ye nyonso ekokisamaka na boyengebene.
For the word of the Lord is upright, and all his works are certain.
5 Yawe alingaka bosembo mpe alima; mokili etondi na bolingo na Ye.
His delight is in righteousness and wisdom; the earth is full of the mercy of the Lord.
6 Likolo ekelamaki na Liloba na Yawe; mampinga na yango nyonso, na nzela ya pema ya monoko na Ye.
By the word of the Lord were the heavens made; and all the army of heaven by the breath of his mouth.
7 Asangisaka mayi ya bibale minene esika moko, mpe atiaka yango na bisika ya mozindo.
He makes the waters of the sea come together in a mass; he keeps the deep seas in store-houses.
8 Tika ete mokili mobimba etosa Yawe! Tika ete bavandi nyonso ya mokili balenga liboso na Ye.
Let the earth be full of the fear of the Lord; let all the people of the world be in holy fear of him.
9 Pamba te alobaki, mpe likambo esalemaki; mpe apesaki mitindo, mpe emonanaki.
For he gave the word, and it was done; by his order it was fixed for ever.
10 Yawe akweyisaka mikano ya bikolo, abebisaka mabongisi ya bato.
The Lord undoes the designs of the nations; he makes the thoughts of the peoples without effect.
11 Kasi mikano ya Yawe etikalaka mpo na seko, mabongisi ya motema na Ye, mpo na bikeke nyonso.
The Lord's purpose is eternal, the designs of his heart go on through all the generations of man.
12 Esengo na ekolo oyo Yawe azali Nzambe na yango. Esengo na bato oyo aponaki mpo na libula na Ye.
Happy is the nation whose God is the Lord; and the people whom he has taken for his heritage.
13 Yawe atalaka wuta na likolo, amonaka bana nyonso ya bato.
The Lord is looking down from heaven; he sees all the sons of men;
14 Wuta na evandelo na Ye, atalaka bavandi nyonso ya mokili.
From his house he keeps watch on all who are living on the earth;
15 Ye oyo asalaka mitema nyonso ya bato asosolaka makambo nyonso oyo basalaka.
He makes all their hearts; their works are clear to him.
16 Ezali te limpinga monene nde ebikisaka mokonzi to nguya monene nde ekangolaka elombe.
A king's salvation is not in the power of his army; a strong man does not get free by his great strength.
17 Mpunda ezali na nguya te ya kopesa lobiko, makasi na yango nyonso ekangolaka te.
A horse is a false hope; his great power will not make any man free from danger.
18 Nzokande Yawe atalaka bato oyo batosaka Ye, ba-oyo batiaka elikya na bolingo kati na Ye,
See, the eye of the Lord is on those in whose hearts is the fear of him, on those whose hope is in his mercy;
19 mpo na kokangola bango na kufa mpe kobatela bango na bomoi ata na tango ya nzala makasi.
To keep their souls from death; and to keep them living in time of need.
20 Totielaka Yawe motema; azali lisungi mpe nguba na biso.
Our souls are waiting for the Lord; he is our help and our salvation.
21 Solo, mitema na biso esepelaka kati na Ye, pamba te totiaka elikya na biso kati na Kombo na Ye ya bule.
For in him our hearts have joy; in his holy name is our hope.
22 Yawe, lokola totiaka elikya na biso kati na Yo, tika ete bolingo na Yo ezala elongo na biso.
Let your mercy be on us, O Lord, as we are waiting for you.
