Banzembo 3
1 Nzembo ya Davidi. Ayembaki yango tango azalaki kokima Abisalomi, mwana na ye. Oh Yawe, banguna na ngai bazali motango boni! Banguna boni oyo bazali kobundisa ngai!
Psaume de David, lorsqu'il fuyait devant Absalom, son fils, Éternel, que mes ennemis sont nombreux! Que de gens se lèvent contre moi!
2 Ebele bazali koloba na tina na ngai: « Nzambe akobikisa ye te! »
Combien disent à mon sujet: «Point de salut pour lui auprès de Dieu!» (Pause)
3 Nzokande Yo, Yawe, ozali nguba mpe nkembo na ngai, Yo nde omatisaka lokumu na ngai.
Mais toi, ô Éternel, tu es mon bouclier; Tu es ma gloire, tu es celui qui me fait redresser la tête.
4 Nabelelaka Yawe, mpe ayanolaka ngai wuta na ngomba na Ye ya bule.
Ma voix invoque l'Éternel, Et il me répond de sa montagne sainte. (Pause)
5 Nalalaka mpe nazwaka pongi; nalamukaka lisusu, pamba te Yawe azali makasi na ngai.
Je me suis couché et je me suis endormi. Je me suis réveillé car l'Éternel me soutient.
6 Nakobanga te atako ebele ya bankoto bazingeli ngai na bangambo nyonso.
Je ne crains point les milliers d'hommes Qui m'assiègent de toutes parts.
7 Yawe, telema! Nzambe na ngai, kangola ngai! Beta banguna na ngai nyonso bambata, buka bato mabe minu.
Lève-toi, ô Éternel! Sauve-moi, ô mon Dieu! Tu as frappé à la joue tous mes ennemis; Tu as brisé les dents des méchants.
8 Kokangolama na ngai ewutaka na Yawe. Tika ete lipamboli na Yo ewumela kati na bato na Yo.
Le salut vient de l'Éternel. Que ta bénédiction soit sur ton peuple! (Pause)
