Banzembo 24

1 Nzembo ya Davidi. Mabele mpe nyonso oyo ezali kati na yango ezali ya Yawe. Mokili mpe ezali ya Yawe, elongo na bavandi na yango.

psalmus David prima sabbati Domini est terra et plenitudo eius orbis terrarum et universi qui habitant in eo

2 Pamba te ezali Yawe nde atia yango na likolo ya bibale minene mpe apikaki yango na likolo ya miluka.

quia; ipse super maria fundavit eum et super flumina praeparavit eum

3 Nani akokoka komata ngomba ya Yawe? Nani akokoka kotelema kati na Esika na Ye ya bule?

quis ascendit in montem Domini aut quis stabit in loco sancto eius

4 Ezali moto oyo azali maboko pembe mpe motema peto, oyo atiaka elikya te na banzambe ya bikeko mpe alapaka ndayi ya lokuta te.

innocens manibus et mundo corde qui non accepit in vano animam suam nec iuravit in dolo proximo suo

5 Yawe akopambola ye; mpe Nzambe, Mobikisi na ye, akokomisa ye sembo.

hic accipiet benedictionem a Domino et misericordiam a Deo salvatore suo

6 Ndenge wana nde ezali, ekeke ya bato oyo bakangamaka na Yo, ba-oyo balukaka elongi na Yo, Nzambe ya Jakobi.

haec est generatio quaerentium eum quaerentium faciem Dei Iacob diapsalma

7 Bino bikuke, botombola mitondo na bino! Bino bikuke ya kala, bomitombola! Tika ete Mokonzi ya nkembo akota!

adtollite portas principes vestras et elevamini portae aeternales et introibit rex gloriae

8 Nani azali Mokonzi yango ya nkembo? Ezali Yawe, Elombe ya nguya; Yawe, Elombe ya bitumba.

quis est iste rex gloriae Dominus fortis et potens Dominus potens in proelio

9 Bino bikuke, botombola mitondo na bino! Bino bikuke ya kala, bomitombola! Tika ete Mokonzi ya nkembo akota!

adtollite portas principes vestras et elevamini portae aeternales et introibit rex gloriae

10 Nani azali Mokonzi yango ya nkembo? Ezali Yawe, Mokonzi ya mampinga, nde azali Mokonzi ya nkembo!

quis est iste rex gloriae Dominus virtutum ipse est rex gloriae diapsalma