Banzembo 24

1 Nzembo ya Davidi. Mabele mpe nyonso oyo ezali kati na yango ezali ya Yawe. Mokili mpe ezali ya Yawe, elongo na bavandi na yango.

Un psaume de David. La terre appartient à Yahvé, avec sa plénitude; le monde, et ceux qui l'habitent.

2 Pamba te ezali Yawe nde atia yango na likolo ya bibale minene mpe apikaki yango na likolo ya miluka.

Car il l'a fondée sur les mers, et l'a établi sur les inondations.

3 Nani akokoka komata ngomba ya Yawe? Nani akokoka kotelema kati na Esika na Ye ya bule?

Qui peut monter sur la colline de Yahvé? Qui peut se tenir dans son lieu saint?

4 Ezali moto oyo azali maboko pembe mpe motema peto, oyo atiaka elikya te na banzambe ya bikeko mpe alapaka ndayi ya lokuta te.

Celui qui a les mains propres et le cœur pur; qui n'a pas élevé son âme vers le mensonge, et n'a pas fait de faux serments.

5 Yawe akopambola ye; mpe Nzambe, Mobikisi na ye, akokomisa ye sembo.

Il recevra une bénédiction de Yahvé, la justice du Dieu de son salut.

6 Ndenge wana nde ezali, ekeke ya bato oyo bakangamaka na Yo, ba-oyo balukaka elongi na Yo, Nzambe ya Jakobi.

C'est la génération de ceux qui le cherchent, qui cherchent votre visage - même Jacob. (Selah)

7 Bino bikuke, botombola mitondo na bino! Bino bikuke ya kala, bomitombola! Tika ete Mokonzi ya nkembo akota!

Relevez vos têtes, portes! Élevez-vous, portes éternelles, et le Roi de gloire entrera.

8 Nani azali Mokonzi yango ya nkembo? Ezali Yawe, Elombe ya nguya; Yawe, Elombe ya bitumba.

Qui est le roi de la gloire? Yahvé fort et puissant, Yahvé est puissant au combat.

9 Bino bikuke, botombola mitondo na bino! Bino bikuke ya kala, bomitombola! Tika ete Mokonzi ya nkembo akota!

Relevez vos têtes, portes; oui, élevez-les, portes éternelles, et le Roi de gloire entrera.

10 Nani azali Mokonzi yango ya nkembo? Ezali Yawe, Mokonzi ya mampinga, nde azali Mokonzi ya nkembo!

Qui est ce Roi de gloire? Yahvé des Armées est le Roi de gloire! (Selah)