Banzembo 24

1 Nzembo ya Davidi. Mabele mpe nyonso oyo ezali kati na yango ezali ya Yawe. Mokili mpe ezali ya Yawe, elongo na bavandi na yango.

A Psalm of David. To Jehovah [is] the earth and its fulness, The world and the inhabitants in it.

2 Pamba te ezali Yawe nde atia yango na likolo ya bibale minene mpe apikaki yango na likolo ya miluka.

For He on the seas hath founded it, And on the floods He doth establish it.

3 Nani akokoka komata ngomba ya Yawe? Nani akokoka kotelema kati na Esika na Ye ya bule?

Who goeth up into the hill of Jehovah? And who riseth up in His holy place?

4 Ezali moto oyo azali maboko pembe mpe motema peto, oyo atiaka elikya te na banzambe ya bikeko mpe alapaka ndayi ya lokuta te.

The clean of hands, and pure of heart, Who hath not lifted up to vanity his soul, Nor hath sworn to deceit.

5 Yawe akopambola ye; mpe Nzambe, Mobikisi na ye, akokomisa ye sembo.

He beareth away a blessing from Jehovah, Righteousness from the God of his salvation.

6 Ndenge wana nde ezali, ekeke ya bato oyo bakangamaka na Yo, ba-oyo balukaka elongi na Yo, Nzambe ya Jakobi.

This [is] a generation of those seeking Him. Seeking Thy face, O Jacob! (Selah)

7 Bino bikuke, botombola mitondo na bino! Bino bikuke ya kala, bomitombola! Tika ete Mokonzi ya nkembo akota!

Lift up, O gates, your heads, And be lifted up, O doors age-during, And come in doth the king of glory!

8 Nani azali Mokonzi yango ya nkembo? Ezali Yawe, Elombe ya nguya; Yawe, Elombe ya bitumba.

Who [is] this — 'the king of glory?' Jehovah — strong and mighty, Jehovah, the mighty in battle.

9 Bino bikuke, botombola mitondo na bino! Bino bikuke ya kala, bomitombola! Tika ete Mokonzi ya nkembo akota!

Lift up, O gates, your heads, And be lifted up, O doors age-during, And come in doth the king of glory!

10 Nani azali Mokonzi yango ya nkembo? Ezali Yawe, Mokonzi ya mampinga, nde azali Mokonzi ya nkembo!

Who [is] He — this 'king of glory?' Jehovah of hosts — He [is] the king of glory! (Selah)