Banzembo 24

1 Nzembo ya Davidi. Mabele mpe nyonso oyo ezali kati na yango ezali ya Yawe. Mokili mpe ezali ya Yawe, elongo na bavandi na yango.

“A psalm of David.” The earth is the LORD'S, and all that is therein; The world, and they who inhabit it.

2 Pamba te ezali Yawe nde atia yango na likolo ya bibale minene mpe apikaki yango na likolo ya miluka.

For he hath founded it upon the seas, And established it upon the floods.

3 Nani akokoka komata ngomba ya Yawe? Nani akokoka kotelema kati na Esika na Ye ya bule?

Who shall ascend the hill of the LORD? And who shall stand in his holy place?

4 Ezali moto oyo azali maboko pembe mpe motema peto, oyo atiaka elikya te na banzambe ya bikeko mpe alapaka ndayi ya lokuta te.

He that hath clean hands and a pure heart; Who hath not inclined his soul to falsehood, Nor sworn deceitfully.

5 Yawe akopambola ye; mpe Nzambe, Mobikisi na ye, akokomisa ye sembo.

He shall receive a blessing from the LORD, And favor from the God of his salvation.

6 Ndenge wana nde ezali, ekeke ya bato oyo bakangamaka na Yo, ba-oyo balukaka elongi na Yo, Nzambe ya Jakobi.

This is the race of them that seek him; They that seek thy face are Jacob. (Pause)

7 Bino bikuke, botombola mitondo na bino! Bino bikuke ya kala, bomitombola! Tika ete Mokonzi ya nkembo akota!

Lift up your heads, O ye gates! Lift yourselves up, ye everlasting doors, That the king of glory may come in!

8 Nani azali Mokonzi yango ya nkembo? Ezali Yawe, Elombe ya nguya; Yawe, Elombe ya bitumba.

“Who is this king of glory?” Jehovah, strong and mighty; Jehovah, mighty in battle.

9 Bino bikuke, botombola mitondo na bino! Bino bikuke ya kala, bomitombola! Tika ete Mokonzi ya nkembo akota!

Lift up your heads, O ye gates! Lift yourselves up, ye everlasting doors, That the king of glory may enter in!

10 Nani azali Mokonzi yango ya nkembo? Ezali Yawe, Mokonzi ya mampinga, nde azali Mokonzi ya nkembo!

“Who is this king of glory?” Jehovah, God of hosts, he is the king of glory. (Pause)