Banzembo 24

1 Nzembo ya Davidi. Mabele mpe nyonso oyo ezali kati na yango ezali ya Yawe. Mokili mpe ezali ya Yawe, elongo na bavandi na yango.

The earth is the LORD’s, and the fullness thereof; the world, and they that dwell therein.

2 Pamba te ezali Yawe nde atia yango na likolo ya bibale minene mpe apikaki yango na likolo ya miluka.

For he has founded it on the seas, and established it on the floods.

3 Nani akokoka komata ngomba ya Yawe? Nani akokoka kotelema kati na Esika na Ye ya bule?

Who shall ascend into the hill of the LORD? or who shall stand in his holy place?

4 Ezali moto oyo azali maboko pembe mpe motema peto, oyo atiaka elikya te na banzambe ya bikeko mpe alapaka ndayi ya lokuta te.

He that has clean hands, and a pure heart; who has not lifted up his soul to vanity, nor sworn deceitfully.

5 Yawe akopambola ye; mpe Nzambe, Mobikisi na ye, akokomisa ye sembo.

He shall receive the blessing from the LORD, and righteousness from the God of his salvation.

6 Ndenge wana nde ezali, ekeke ya bato oyo bakangamaka na Yo, ba-oyo balukaka elongi na Yo, Nzambe ya Jakobi.

This is the generation of them that seek him, that seek your face, O Jacob. (Selah)

7 Bino bikuke, botombola mitondo na bino! Bino bikuke ya kala, bomitombola! Tika ete Mokonzi ya nkembo akota!

Lift up your heads, O you gates; and be you lift up, you everlasting doors; and the King of glory shall come in.

8 Nani azali Mokonzi yango ya nkembo? Ezali Yawe, Elombe ya nguya; Yawe, Elombe ya bitumba.

Who is this King of glory? The LORD strong and mighty, the LORD mighty in battle.

9 Bino bikuke, botombola mitondo na bino! Bino bikuke ya kala, bomitombola! Tika ete Mokonzi ya nkembo akota!

Lift up your heads, O you gates; even lift them up, you everlasting doors; and the King of glory shall come in.

10 Nani azali Mokonzi yango ya nkembo? Ezali Yawe, Mokonzi ya mampinga, nde azali Mokonzi ya nkembo!

Who is this King of glory? The LORD of hosts, he is the King of glory. (Selah)