Banzembo 2
1 Mpo na nini bikolo ezali kosala makelele mpe bato bazali kosala makita ya pamba?
Why are the nations in tumultuous agitation, and [why] do the peoples meditate a vain thing?
2 Bakonzi ya mokili batomboki, mpe bakambi basangani mpo na kotelemela Yawe elongo na mopakolami na Ye.
The kings of the earth set themselves, and the princes plot together, against Jehovah and against his anointed:
3 Bazali koganga elongo: « Tokata minyololo na bango mpe tomikangola na bokonzi na bango! »
Let us break their bonds asunder, and cast away their cords from us!
4 Kasi Ye oyo avandi na Kiti na Ye ya Bokonzi kuna na likolo aseki, Yawe atioli bango.
He that dwelleth in the heavens shall laugh, the Lord shall have them in derision.
5 Agangeli bango na kanda, apelisi kanda makasi na Ye mpo na bango, alobi:
Then will he speak to them in his anger, and in his fierce displeasure will he terrify them:
6 « Ezali Ngai nde natiaki mokonzi na Ngai na Siona, ngomba na Ngai ya bule. »
And I have anointed my king upon Zion, the hill of my holiness.
7 Nakosakola mobeko ya Yawe. Alobaki na ngai: « Ozali Mwana na Ngai ya mobali, na mokolo ya lelo, nakomi Tata na Yo.
I will declare the decree: Jehovah hath said unto me, Thou art my Son; I this day have begotten thee.
8 Senga Ngai, mpe nakokomisa bikolo libula na Yo, basuka ya mokili bozwi na Yo.
Ask of me, and I will give thee nations for an inheritance, and for thy possession the ends of the earth:
9 Okoyangela yango na bokonzi ya ebende, okopanza yango lokola mbeki ya mabele. »
Thou shalt break them with a sceptre of iron, as a potter's vessel thou shalt dash them in pieces.
10 Yango wana, bino bakonzi, bozala na mayele; bino bayangeli ya mokili, boyoka likebisi oyo.
And now, O kings, be ye wise, be admonished, ye judges of the earth.
11 Bosalela Yawe na kobanga mpe bosepela na kolenga.
Serve Jehovah with fear, and rejoice with trembling.
12 Bopesa Mwana na Ye beze, noki te akosilika mpe bokokufa na nzela na bino, pamba te kanda na Ye epelaka noki. Esengo na bato oyo bazwaka Ye lokola ebombamelo na bango.
Kiss the Son, lest he be angry, and ye perish in the way, though his anger burn but a little. Blessed are all who have their trust in him.
