Banzembo 149

1 Bokumisa Yawe! Boyembela Yawe nzembo ya sika, bokumisa Ye na banzembo kati na mayangani ya bayengebene!

Praise the LORD! Sing to the LORD a new song, his praise in the assembly of the holy ones.

2 Tika ete Isalaele asepela na Mokeli na Ye! Tika ete bato ya Siona bazala na esengo mpo na Mokonzi na bango!

Let Israel rejoice in him who made them. Let the children of Zion be joyful in their King.

3 Tika ete bakumisa Kombo na Ye na mabina; tika ete babetela Ye bambunda mpe mandanda!

Let them praise his name in the dance! Let them sing praises to him with tambourine and harp!

4 Pamba te Yawe asepelaka na bato na Ye, alatisaka babola motole ya elonga.

For the LORD takes pleasure in his people. He crowns the humble with salvation [yeshu`ah].

5 Tika ete bayengebene na Yawe basepela kati na lokumu oyo; tika ete bayemba na esengo na bambeto na bango!

Let the holy ones rejoice in honor. Let them sing for joy on their beds.

6 Tika ete bakumisa Nzambe kati na minoko na bango elongo na mopanga ya minu na bangambo nyonso mibale kati na maboko na bango

May the high praises of God be in their mouths, and a two-edged sword in their hand,

7 mpo na kozongisa mabe na mabe ya bikolo mpe kopesa bato etumbu;

to execute vengeance on the nations, and punishments on the peoples;

8 mpo na kokanga bakonzi na bango na minyololo, kokanga bato na bango ya lokumu na mabende

to bind their kings with chains, and their nobles with fetters of iron;

9 mpe mpo na kopesa bango etumbu oyo ekomama na tina na bango! Yango nde lokumu ya bayengebene na Ye nyonso. Bokumisa Yawe!

to execute on them the written judgment. All his holy ones have this honor. Praise the LORD!