Banzembo 148
1 Bokumisa Yawe! Bokumisa Yawe wuta na likolo, bokumisa Ye na bisika oyo eleki likolo.
Louez Yah! Louez Yahvé du haut des cieux! Louez-le dans les hauteurs!
2 Bokumisa Ye, bino ba-anjelu na Ye nyonso; bokumisa Ye, bino mampinga na Ye nyonso;
Louez-le, tous ses anges! Louez-le, toute son armée!
3 bokumisa Ye, bino moyi mpe sanza; bokumisa Ye, bino minzoto nyonso oyo engengaka;
Louez-le, soleil et lune! Louez-le, vous toutes, étoiles brillantes!
4 bokumisa Ye, bino oyo boleki likolo kati na likolo, mpe bino mayi oyo bozali na likolo!
Louez-le, cieux des cieux, vous les eaux qui sont au-dessus des cieux.
5 Tika ete ekumisa Kombo ya Yawe! Pamba te apesaki mitindo, mpe ekelamaki.
Qu'ils louent le nom de Yahvé, car il a ordonné, et ils ont été créés.
6 Atiaki yango mpo na libela; apesaki mibeko oyo ekobongwana te.
Il les a aussi établis pour toujours et à jamais. Il a pris un décret qui ne passera pas.
7 Bokumisa Yawe wuta na mokili, ezala bilima ya mayi to mozindo nyonso,
Louez Yahvé de toute la terre, vous les grandes créatures marines, et toutes les profondeurs,
8 ezala moto to mvula ya mabanga, ezala mvula ya pembe to londende, ezala mopepe makasi oyo ekokisaka liloba na Ye;
éclairs et grêle, neige et nuages, un vent de tempête, accomplissant sa parole,
9 ezala bangomba milayi to bangomba mikuse, ezala banzete oyo ebotaka bambuma to banzete ya sedele,
montagnes et toutes les collines, des arbres fruitiers et tous les cèdres,
10 ezala banyama ya zamba to bibwele nyonso, ezala bikelamu oyo etambolaka na libumu to bandeke,
animaux sauvages et tout le bétail, les petites créatures et les oiseaux volants,
11 ezala bakonzi ya mabele to bikolo nyonso, ezala bakambi to batambolisi nyonso ya mokili,
les rois de la terre et tous les peuples, les princes et tous les juges de la terre,
12 ezala bilenge mibali to bilenge basi, ezala bampaka to bana mike!
tant les jeunes hommes que les jeunes filles, des vieillards et des enfants.
13 Tika ete bakumisa Kombo ya Yawe! Pamba te Ye moko kaka nde aleki likolo; nkembo na Ye eleki mabele mpe likolo.
Qu'ils louent le nom de Yahvé, car son nom seul est exalté. Sa gloire est au-dessus de la terre et des cieux.
14 Abongisi elombe mokangoli mpo na bato na Ye! Ezali likambo oyo bayengebene na Ye nyonso, bana nyonso ya Isalaele, bato oyo balingaka Ye, basengeli kokumisa Yawe mpo na yango. Bokumisa Yawe!
Il a élevé la corne de son peuple, la louange de tous ses saints, même des enfants d'Israël, un peuple qui lui est proche. Louez Yah!
