Banzembo 148
1 Bokumisa Yawe! Bokumisa Yawe wuta na likolo, bokumisa Ye na bisika oyo eleki likolo.
Praise the LORD. Praise the LORD from the heavens. Praise him in the heights.
2 Bokumisa Ye, bino ba-anjelu na Ye nyonso; bokumisa Ye, bino mampinga na Ye nyonso;
Praise him, all his angels. Praise him, all his army.
3 bokumisa Ye, bino moyi mpe sanza; bokumisa Ye, bino minzoto nyonso oyo engengaka;
Praise him, sun and moon. Praise him, all you shining stars.
4 bokumisa Ye, bino oyo boleki likolo kati na likolo, mpe bino mayi oyo bozali na likolo!
Praise him, you heavens of heavens, You waters that are above the heavens.
5 Tika ete ekumisa Kombo ya Yawe! Pamba te apesaki mitindo, mpe ekelamaki.
Let them praise the name of the LORD, For he commanded, and they were created.
6 Atiaki yango mpo na libela; apesaki mibeko oyo ekobongwana te.
He has also established them forever and ever. He has made a decree which will not pass away.
7 Bokumisa Yawe wuta na mokili, ezala bilima ya mayi to mozindo nyonso,
Praise the LORD from the earth, you great sea creatures, and all depths.
8 ezala moto to mvula ya mabanga, ezala mvula ya pembe to londende, ezala mopepe makasi oyo ekokisaka liloba na Ye;
Lightning and hail, snow and clouds; stormy wind, fulfilling his word;
9 ezala bangomba milayi to bangomba mikuse, ezala banzete oyo ebotaka bambuma to banzete ya sedele,
mountains and all hills; fruit trees and all cedars;
10 ezala banyama ya zamba to bibwele nyonso, ezala bikelamu oyo etambolaka na libumu to bandeke,
wild animals and all livestock; small creatures and flying birds;
11 ezala bakonzi ya mabele to bikolo nyonso, ezala bakambi to batambolisi nyonso ya mokili,
kings of the earth and all peoples; princes and all judges of the earth;
12 ezala bilenge mibali to bilenge basi, ezala bampaka to bana mike!
both young men and maidens; old men and children:
13 Tika ete bakumisa Kombo ya Yawe! Pamba te Ye moko kaka nde aleki likolo; nkembo na Ye eleki mabele mpe likolo.
let them praise the name of the LORD, for his name alone is exalted. His glory is above the earth and the heavens.
14 Abongisi elombe mokangoli mpo na bato na Ye! Ezali likambo oyo bayengebene na Ye nyonso, bana nyonso ya Isalaele, bato oyo balingaka Ye, basengeli kokumisa Yawe mpo na yango. Bokumisa Yawe!
He has lifted up the horn of his people, the praise of all his faithful ones; even of the children of Israel, a people near to him. Praise the LORD.
