Banzembo 147
1 Bokumisa Yawe! Tala ndenge ezali malamu kosanzola Nzambe na biso, mpe ndenge ezali kitoko kokumisa Ye!
Praise Yahweh, for it is good to sing praises to our God, it is pleasant, and praise is suitable.
2 Yawe azali kotonga lisusu Yelusalemi epai wapi akosangisa bato ya Isalaele oyo bakenda na bowumbu.
Yahweh rebuilds Jerusalem, he gathers together the scattered people of Israel.
3 Abikisaka bato oyo batutami na mitema mpe akawusaka bapota na bango.
He heals the brokenhearted and binds up their wounds.
4 Ayebi motango ya minzoto mpe abengaka moko na moko na kombo na yango.
He counts the stars, he gives names to all of them.
5 Nkolo na biso azali monene mpe atonda na nguya; mayele na Ye ezali na mondelo te.
Great is our Lord and awesome in power, his understanding cannot be measured.
6 Yawe asungaka babola, kasi akitisaka bato mabe kino na mabele.
Yahweh lifts up the oppressed, he brings the wicked down to the ground.
7 Boyembela Yawe nzembo ya matondi! Bobetela Nzambe na biso lindanda mpo na kosanzola Ye!
Sing to Yahweh with thanksgiving, sing praises to our God with a harp.
8 Azipaka likolo na mapata, abongisaka mvula mpo na mokili mpe abotisaka matiti na bangomba.
He covers the heavens with clouds and prepares rain for the earth, making the grass to grow on the mountains.
9 Apesaka bilei epai ya bibwele mpe epai ya bana ya yanganga oyo ezali koganga mpo na nzala.
He gives food to the animals and to the young ravens when they cry.
10 Asepelaka na makasi ya mpunda te mpe alingaka te nguya ya moto;
He finds no delight in the strength of a horse, he takes no pleasure in the strong legs of a man.
11 kasi Yawe asepelaka na bato oyo batosaka Ye, ba-oyo batielaka bolingo na Ye motema.
Yahweh takes pleasure in those who honor him, who hope in his covenant faithfulness.
12 Yelusalemi, pesa nkembo na Yawe! Siona, kumisa Nzambe na yo!
Praise Yahweh, Jerusalem, praise your God, Zion.
13 Alendisaka bikangelo ya bikuke na yo mpe apambolaka bana na yo epai na yo.
For he strengthens the bars of your gates, he blesses your children among you.
14 Atiaka kimia na etuka na yo mpe atondisaka yo na farine.
He brings prosperity inside your borders, he satisfies you with the finest of wheat.
15 Atindaka mitindo na Ye na mokili, mpe maloba na Ye epanzanaka mbala moko!
He sends out his commandment to earth, his command runs very swiftly.
16 Anokisaka mvula ya pembe lokola bapwale ya meme mpe apanzaka mvula ya mabanga lokola putulu;
He makes the snow like wool, he scatters the frost like ashes.
17 akweyisaka mabanga ya mvula yango lokola mabanga ya mike-mike; nani akoki kotelema na malili na yango?
He dispenses the hail like crumbs, who can withstand the cold he sends?
18 Soki kaka atindi liloba, malili ekomaka kosila moke-moke; mpe soki atindi mopepe, mayi ekomaka kotiola.
He sends out his command and melts them, he makes the wind to blow and the water to flow.
19 Asakolaki liloba na Ye epai ya Jakobi, mibeko mpe malako na Ye epai ya Isalaele.
He proclaimed his word to Jacob, his statutes and his righteous decrees to Israel.
20 Asalaki bongo na ekolo ata moko te; boye eyebaka mpe mibeko na Ye te. Bokumisa Yawe!
He has not done so with any other nation, and as for his decrees, they do not know them. Praise Yahweh.
