Banzembo 147
1 Bokumisa Yawe! Tala ndenge ezali malamu kosanzola Nzambe na biso, mpe ndenge ezali kitoko kokumisa Ye!
Hallelujah; for it is good to sing praises unto our God; for it is pleasant, and praise is comely.
2 Yawe azali kotonga lisusu Yelusalemi epai wapi akosangisa bato ya Isalaele oyo bakenda na bowumbu.
The LORD doth build up Jerusalem, He gathereth together the dispersed of Israel;
3 Abikisaka bato oyo batutami na mitema mpe akawusaka bapota na bango.
Who healeth the broken in heart, and bindeth up their wounds.
4 Ayebi motango ya minzoto mpe abengaka moko na moko na kombo na yango.
He counteth the number of the stars; He giveth them all their names.
5 Nkolo na biso azali monene mpe atonda na nguya; mayele na Ye ezali na mondelo te.
Great is our Lord, and mighty in power; His understanding is infinite.
6 Yawe asungaka babola, kasi akitisaka bato mabe kino na mabele.
The LORD upholdeth the humble; He bringeth the wicked down to the ground.
7 Boyembela Yawe nzembo ya matondi! Bobetela Nzambe na biso lindanda mpo na kosanzola Ye!
Sing unto the LORD with thanksgiving, sing praises upon the harp unto our God;
8 Azipaka likolo na mapata, abongisaka mvula mpo na mokili mpe abotisaka matiti na bangomba.
Who covereth the heaven with clouds, who prepareth rain for the earth, who maketh the mountains to spring with grass.
9 Apesaka bilei epai ya bibwele mpe epai ya bana ya yanganga oyo ezali koganga mpo na nzala.
He giveth to the beast his food, and to the young ravens which cry.
10 Asepelaka na makasi ya mpunda te mpe alingaka te nguya ya moto;
He delighteth not in the strength of the horse; He taketh no pleasure in the legs of a man.
11 kasi Yawe asepelaka na bato oyo batosaka Ye, ba-oyo batielaka bolingo na Ye motema.
The LORD taketh pleasure in them that fear Him, in those that wait for His mercy.
12 Yelusalemi, pesa nkembo na Yawe! Siona, kumisa Nzambe na yo!
Glorify the LORD, O Jerusalem; praise thy God, O Zion.
13 Alendisaka bikangelo ya bikuke na yo mpe apambolaka bana na yo epai na yo.
For He hath made strong the bars of thy gates; He hath blessed thy children within thee.
14 Atiaka kimia na etuka na yo mpe atondisaka yo na farine.
He maketh thy borders peace; He giveth thee in plenty the fat of wheat.
15 Atindaka mitindo na Ye na mokili, mpe maloba na Ye epanzanaka mbala moko!
He sendeth out His commandment upon earth; His word runneth very swiftly.
16 Anokisaka mvula ya pembe lokola bapwale ya meme mpe apanzaka mvula ya mabanga lokola putulu;
He giveth snow like wool; He scattereth the hoar-frost like ashes.
17 akweyisaka mabanga ya mvula yango lokola mabanga ya mike-mike; nani akoki kotelema na malili na yango?
He casteth forth His ice like crumbs; who can stand before His cold?
18 Soki kaka atindi liloba, malili ekomaka kosila moke-moke; mpe soki atindi mopepe, mayi ekomaka kotiola.
He sendeth forth His word, and melteth them; He causeth His wind to blow, and the waters flow.
19 Asakolaki liloba na Ye epai ya Jakobi, mibeko mpe malako na Ye epai ya Isalaele.
He declareth His word unto Jacob, His statutes and His ordinances unto Israel.
20 Asalaki bongo na ekolo ata moko te; boye eyebaka mpe mibeko na Ye te. Bokumisa Yawe!
He hath not dealt so with any nation; and as for His ordinances, they have not known them. Hallelujah.
