Banzembo 146

1 Bokumisa Yawe! Oh molimo na ngai, kumisa Yawe!

¡Aleluya! ¡Alaba, alma mía, a Yavé!

2 Nakokumisa Yawe bomoi na ngai mobimba, nakosanzola Nzambe na ngai tango nyonso nakozala na bomoi.

Alabaré a Yavé en mi vida. Cantaré alabanzas a mi ʼElohim mientras viva.

3 Botia elikya te na bakambi to na bato oyo bazangi makoki ya kobikisa.

No confíen en gobernantes, En un hijo de hombre, en quien no hay salvación.

4 Soki bakufi, bazongaka na mabele, mpe, mbala moko, mabongisi na bango elimwaka.

Sale su espíritu, vuelve a la tierra. Ese mismo día perecen sus planes.

5 Esengo na moto oyo Nzambe ya Jakobi azali mosungi na ye, oyo atiaka elikya na ye kati na Yawe, Nzambe na ye!

Inmensamente feliz es aquél Cuya Ayuda es el ʼElohim de Jacob, Cuya esperanza está en Yavé su ʼElohim,

6 Yawe akelaki Likolo mpe mabele, ebale monene mpe nyonso oyo ezali kati na yango; azali sembo seko na seko.

Quien hizo [el] cielo y [la] tierra, El mar y todo lo que hay en ellos, Quien guarda [su] fidelidad para siempre,

7 Yawe akataka na sembo makambo ya banyokolami mpe apesaka bilei na bato oyo bazali na nzala; abimisaka bakangami na boloko.

Quien ejecuta justicia a los oprimidos, Quien da alimento a los hambrientos. Yavé liberta a los prisioneros,

8 Yawe abikisaka miso ya bakufi miso; Yawe asembolaka bato oyo bazali ya kogumbama; Yawe alingaka bato ya sembo.

Yavé [da vista] a los ciegos, Yavé endereza a los encorvados, Yavé ama a los justos,

9 Yawe abatelaka bapaya, asungaka mwana etike mpe mwasi oyo akufisa mobali, kasi abebisaka banzela ya bato mabe.

Yavé protege a los extranjeros, Él sostiene al huérfano y a la viuda, Pero Él trastorna el camino de los perversos.

10 Yawe azali Mokonzi seko na seko; Nzambe na yo, oh Siona, libela na libela! Bokumisa Yawe!

Reinará Yavé para siempre, Tu ʼElohim, oh Sion, por todas las generaciones. ¡Aleluya!