Banzembo 146

1 Bokumisa Yawe! Oh molimo na ngai, kumisa Yawe!

Praise ye Jehovah. Praise Jehovah, O my soul.

2 Nakokumisa Yawe bomoi na ngai mobimba, nakosanzola Nzambe na ngai tango nyonso nakozala na bomoi.

While I live I will praise Jehovah. I will sing praises to my God while I have any being.

3 Botia elikya te na bakambi to na bato oyo bazangi makoki ya kobikisa.

Put not your trust in rulers, nor in the son of man, in whom there is no help.

4 Soki bakufi, bazongaka na mabele, mpe, mbala moko, mabongisi na bango elimwaka.

His breath goes forth, he returns to his earth. In that very day his thoughts perish.

5 Esengo na moto oyo Nzambe ya Jakobi azali mosungi na ye, oyo atiaka elikya na ye kati na Yawe, Nzambe na ye!

Happy is he who has the God of Jacob for his help, whose hope is in Jehovah his God,

6 Yawe akelaki Likolo mpe mabele, ebale monene mpe nyonso oyo ezali kati na yango; azali sembo seko na seko.

who made heaven and earth, the sea, and all that is in them, who keeps truth forever,

7 Yawe akataka na sembo makambo ya banyokolami mpe apesaka bilei na bato oyo bazali na nzala; abimisaka bakangami na boloko.

who executes justice for the oppressed, who gives food to the hungry. Jehovah releases the prisoners.

8 Yawe abikisaka miso ya bakufi miso; Yawe asembolaka bato oyo bazali ya kogumbama; Yawe alingaka bato ya sembo.

Jehovah opens the eyes of the blind. Jehovah raises up those who are bowed down. Jehovah loves the righteous.

9 Yawe abatelaka bapaya, asungaka mwana etike mpe mwasi oyo akufisa mobali, kasi abebisaka banzela ya bato mabe.

Jehovah preserves the sojourners. He upholds the fatherless and widow. But the way of the wicked he turns upside down.

10 Yawe azali Mokonzi seko na seko; Nzambe na yo, oh Siona, libela na libela! Bokumisa Yawe!

Jehovah will reign forever, thy God, O Zion, to all generations. Praise ye Jehovah.