Banzembo 145
1 Masanzoli. Nzembo ya Davidi. Nakotombola Yo, Nzambe na ngai, Mokonzi na ngai; nakopambola Kombo na Yo seko na seko.
| תהלה לדוד ארוממך אלוהי המלך ואברכה שמך לעולם ועד׃ |
2 Mikolo nyonso, nakopambola Yo mpe nakokumisa Kombo na Yo libela na libela.
| בכל יום אברכך ואהללה שמך לעולם ועד׃ |
3 Yawe azali monene, abongi na lokumu; moko te akoki komeka mozindo ya monene na Ye.
| גדול יהוה ומהלל מאד ולגדלתו אין חקר׃ |
4 Bikeke nyonso ekotombola kitoko ya misala na Yo mpe ekopanza sango ya misala na Yo ya minene.
| דור לדור ישבח מעשיך וגבורתיך יגידו׃ |
5 Nakolemba te kotatola bikamwa na Yo mpe kongenga makasi ya nkembo na Yo.
| הדר כבוד הודך ודברי נפלאותיך אשיחה׃ |
6 Bakolobela nguya na Yo ya somo, mpe ngai, nakosakola misala na Yo ya minene.
| ועזוז נוראתיך יאמרו וגדולתיך אספרנה׃ |
7 Bakokanisa misala minene ya bolamu na Yo, bakobetela bosembo na Yo maboko.
| זכר רב טובך יביעו וצדקתך ירננו׃ |
8 Yawe atonda na ngolu mpe na mawa, asilikaka noki te mpe atonda na bolingo.
| חנון ורחום יהוה ארך אפים וגדל חסד׃ |
9 Yawe azali malamu mpo na bato nyonso, atonda na mawa mpo na bikelamu na Ye nyonso.
| טוב יהוה לכל ורחמיו על כל מעשיו׃ |
10 Yawe, misala na Yo nyonso ekumisaka Yo! Tika ete bayengebene na Yo bapambola Yo!
| יודוך יהוה כל מעשיך וחסידיך יברכוכה׃ |
11 Bazali koloba ete bokonzi na Yo etondi na nkembo mpe bazali kopanza sango ya misala ya nguya na Yo.
| כבוד מלכותך יאמרו וגבורתך ידברו׃ |
12 Bazali koyebisa bato misala na Yo ya minene mpe kongenga ya nkembo ya bokonzi na Yo.
| להודיע לבני האדם גבורתיו וכבוד הדר מלכותו׃ |
13 Ozali Mokonzi seko na seko, mpe bokonzi na Yo ekowumela libela na libela. Yawe akokisaka bilaka na Ye nyonso, asalaka nyonso na bolingo.
| מלכותך מלכות כל עלמים וממשלתך בכל דור ודור׃ |
14 Yawe alendisaka bato nyonso oyo bakweyaka, atelemisaka bato nyonso oyo balembaka.
| סומך יהוה לכל הנפלים וזוקף לכל הכפופים׃ |
15 Na bato nyonso oyo batalelaka Yo, opesaka bilei na tango oyo ekoki.
| עיני כל אליך ישברו ואתה נותן להם את אכלם בעתו׃ |
16 Ofungolaka loboko na Yo mpe okokisaka posa ya nyonso oyo ezali na bomoi.
| פותח את ידך ומשביע לכל חי רצון׃ |
17 Yawe azali sembo na nyonso oyo asalaka mpe atonda na bolingo kati na misala na Ye nyonso.
| צדיק יהוה בכל דרכיו וחסיד בכל מעשיו׃ |
18 Yawe azali pene ya bato nyonso oyo babelelaka Ye, ya bato nyonso oyo babelelaka Ye na solo;
| קרוב יהוה לכל קראיו לכל אשר יקראהו באמת׃ |
19 akokisaka posa ya bato oyo batosaka Ye, ayokaka mpe abikisaka bango tango babelelaka Ye.
| רצון יראיו יעשה ואת שועתם ישמע ויושיעם׃ |
20 Yawe abatelaka bato nyonso oyo balingaka Ye, kasi abebisaka bato nyonso ya mabe.
| שומר יהוה את כל אהביו ואת כל הרשעים ישמיד׃ |
21 Tika ete monoko na ngai ekumisa Yawe! Tika ete bikelamu nyonso epambola Kombo na Ye ya bule libela na libela!
| תהלת יהוה ידבר פי ויברך כל בשר שם קדשו לעולם ועד׃ |
