Banzembo 135
1 Bokumisa Yawe! Bokumisa Kombo ya Yawe! Bokumisa Ye, bino basali ya Yawe,
| הללו-יה הללו את-שם יהוה הללו עבדי יהוה |
2 oyo botelemaka kati na Ndako ya Yawe, kati na lopango ya Ndako ya Nzambe na biso!
| שעמדים בבית יהוה-- בחצרות בית אלהינו |
3 Bokumisa Yawe! Pamba te Yawe azali malamu! Boyembela Kombo na Ye, pamba te ezali kitoko makasi.
| הללו-יה כי-טוב יהוה זמרו לשמו כי נעים |
4 Pamba te Yawe aponaki Jakobi, Isalaele, mpo ete azala ya Ye moko.
| כי-יעקב בחר לו יה ישראל לסגלתו |
5 Solo, ngai nayebi malamu ete Yawe azali monene, ete Nkolo na biso aleki banzambe nyonso.
| כי אני ידעתי כי-גדול יהוה ואדנינו מכל-אלהים |
6 Yawe asalaka nyonso oyo alingi, kuna na likolo mpe awa na mabele, kati na bibale minene mpe kati na mozindo nyonso.
| כל אשר-חפץ יהוה עשה בשמים ובארץ-- בימים וכל-תהמות |
7 Amatisaka mapata wuta na suka ya mokili, atindaka mikalikali elongo na mvula, abimisaka mopepe wuta na bibombelo na yango.
| מעלה נשאים מקצה הארץ ברקים למטר עשה מוצא-רוח מאוצרותיו |
8 Ye nde abomaki bana ya liboso ya Ejipito, kobanda na bato kino na banyama;
| שהכה בכורי מצרים-- מאדם עד-בהמה |
9 atindaki bilembo ya kokamwa mpe bikamwa kati na yo, Ejipito, mpo na kotelemela Faraon mpe basali na ye nyonso;
| שלח אותת ומפתים--בתוככי מצרים בפרעה ובכל-עבדיו |
10 abebisaki bikolo ebele mpe abomaki bakonzi ya nguya:
| שהכה גוים רבים והרג מלכים עצומים |
11 Sikoni, mokonzi ya bato ya Amori; Ogi, mokonzi ya Bashani; mpe bakonzi nyonso ya Kanana.
| לסיחון מלך האמרי ולעוג מלך הבשן ולכל ממלכות כנען |
12 Mpe akabaki mikili na bango lokola libula, lokola libula epai ya bato na Ye, Isalaele.
| ונתן ארצם נחלה-- נחלה לישראל עמו |
13 Oh Yawe, sango ya Kombo na Yo ewumelaka libela na libela! Yawe, bakopanza sango ya Kombo na Yo seko na seko!
| יהוה שמך לעולם יהוה זכרך לדר-ודר |
14 Pamba te Yawe akolimbisa bato na Ye, akoyokela basali na Ye mawa.
| כי-ידין יהוה עמו ועל-עבדיו יתנחם |
15 Banzambe ya bikolo ezali ya palata mpe ya wolo, esalema na maboko ya bato.
| עצבי הגוים כסף וזהב מעשה ידי אדם |
16 Ezali na minoko, kasi elobaka te; ezali na miso, kasi emonaka te;
| פה-להם ולא ידברו עינים להם ולא יראו |
17 ezali na matoyi, kasi eyokaka te; ezali ata na pema te kati na minoko na yango.
| אזנים להם ולא יאזינו אף אין-יש-רוח בפיהם |
18 Bato oyo basalaka yango mpe bato nyonso oyo batielaka yango motema bakokani na yango.
| כמוהם יהיו עשיהם-- כל אשר-בטח בהם |
19 Bato ya Isalaele, bopambola Yawe! Bakitani ya Aron, bopambola Yawe!
| בית ישראל ברכו את-יהוה בית אהרן ברכו את-יהוה |
20 Bakitani ya Levi, bopambola Yawe! Bino nyonso oyo botosaka Yawe, bopambola Yawe!
| בית הלוי ברכו את-יהוה יראי יהוה ברכו את-יהוה |
21 Tika ete, wuta na Siona, Yawe apambolama, Ye oyo avandaka na Yelusalemi! Bokumisa Yawe!
| ברוך יהוה מציון-- שכן ירושלם הללו-יה |
