Banzembo 135

1 Bokumisa Yawe! Bokumisa Kombo ya Yawe! Bokumisa Ye, bino basali ya Yawe,

Alleluia. Louez le nom de Yahweh, louez-le, serviteurs de Yahweh,

2 oyo botelemaka kati na Ndako ya Yawe, kati na lopango ya Ndako ya Nzambe na biso!

vous qui êtes de service dans la maison de Yahweh, dans les parvis de la maison de notre Dieu.

3 Bokumisa Yawe! Pamba te Yawe azali malamu! Boyembela Kombo na Ye, pamba te ezali kitoko makasi.

Louez Yahweh, car Yahweh est bon; chantez son nom sur la harpe, car il est plein de douceur.

4 Pamba te Yawe aponaki Jakobi, Isalaele, mpo ete azala ya Ye moko.

Car Yahweh s’est choisi Jacob, il s’est choisi Israël pour en faire son héritage.

5 Solo, ngai nayebi malamu ete Yawe azali monene, ete Nkolo na biso aleki banzambe nyonso.

Oui, je le sais, Yahweh est grand, notre Seigneur est au-dessus de tous les dieux.

6 Yawe asalaka nyonso oyo alingi, kuna na likolo mpe awa na mabele, kati na bibale minene mpe kati na mozindo nyonso.

Tout ce que veut Yahweh, il le fait, dans les cieux et sur la terre, dans la mer et dans tous les abîmes.

7 Amatisaka mapata wuta na suka ya mokili, atindaka mikalikali elongo na mvula, abimisaka mopepe wuta na bibombelo na yango.

Il fait monter les nuages des extrémités de la terre, il produit les éclairs avec la pluie, il tire le vent de ses trésors.

8 Ye nde abomaki bana ya liboso ya Ejipito, kobanda na bato kino na banyama;

Il frappa jadis les premiers-nés de l’Égypte, depuis l’homme jusqu’à l’animal.

9 atindaki bilembo ya kokamwa mpe bikamwa kati na yo, Ejipito, mpo na kotelemela Faraon mpe basali na ye nyonso;

Il fit éclater des signes et des prodiges au milieu de toi, ô Égypte, contre Pharaon et tous ses serviteurs.

10 abebisaki bikolo ebele mpe abomaki bakonzi ya nguya:

Il frappa des nations nombreuses, et fit mourir des rois puissants:

11 Sikoni, mokonzi ya bato ya Amori; Ogi, mokonzi ya Bashani; mpe bakonzi nyonso ya Kanana.

Séhon, roi des Amorrhéens, Og, roi de Basan, et tous les rois de Canaan.

12 Mpe akabaki mikili na bango lokola libula, lokola libula epai ya bato na Ye, Isalaele.

Et il donna leur pays en héritage, en héritage à Israël, son peuple.

13 Oh Yawe, sango ya Kombo na Yo ewumelaka libela na libela! Yawe, bakopanza sango ya Kombo na Yo seko na seko!

Yahweh, ton nom subsiste à jamais; Yahweh, ton souvenir dure d’âge en âge.

14 Pamba te Yawe akolimbisa bato na Ye, akoyokela basali na Ye mawa.

Car Yahweh fait droit à son peuple, et il a compassion de ses serviteurs.

15 Banzambe ya bikolo ezali ya palata mpe ya wolo, esalema na maboko ya bato.

Les idoles des nations sont de l’argent et de l’or, ouvrage de la main des hommes.

16 Ezali na minoko, kasi elobaka te; ezali na miso, kasi emonaka te;

Elles ont une bouche et ne parlent pas; elles ont des yeux et ne voient pas.

17 ezali na matoyi, kasi eyokaka te; ezali ata na pema te kati na minoko na yango.

Elles ont des oreilles et n’entendent pas; Il n’y a pas même un souffle dans leur bouche.

18 Bato oyo basalaka yango mpe bato nyonso oyo batielaka yango motema bakokani na yango.

Qu’ils leur ressemblent ceux qui les font, quiconque se confie en elles!

19 Bato ya Isalaele, bopambola Yawe! Bakitani ya Aron, bopambola Yawe!

Maison d’Israël, bénissez Yahweh! Maison d’Aaron, bénissez Yahweh!

20 Bakitani ya Levi, bopambola Yawe! Bino nyonso oyo botosaka Yawe, bopambola Yawe!

Maison de Lévi, bénissez Yahweh! Vous qui craignez Yahweh, bénissez Yahweh!

21 Tika ete, wuta na Siona, Yawe apambolama, Ye oyo avandaka na Yelusalemi! Bokumisa Yawe!

Que de Sion soit béni Yahweh, qui habite Jérusalem! Alleluia!