Banzembo 132

1 Nzembo ya mobembo mpo na kokende na Tempelo ya Yawe. Yawe, kanisa Davidi; kanisa pasi na ye nyonso!

A song of ascents. O LORD, remember on behalf of David all the hardships he endured,

2 Alapaki ndayi oyo epai na Yawe, epai ya Elombe ya Jakobi:

how he swore an oath to the LORD, and vowed to the Mighty One of Jacob:

3 « Nakokota na ndako na ngai te, nakomata na mbeto na ngai te,

“I will not enter my house or get into my bed,

4 nakokanga miso na ngai te mpo na kolala pongi to mpo na konimba mwa moke

I will not give sleep to my eyes or slumber to my eyelids,

5 kino nakozwa Esika mpo na Yawe, Ndako mpo na Elombe ya Jakobi. »

until I find a place for the LORD, a dwelling for the Mighty One of Jacob.”

6 Toyokaki sango na tina na yango na Efrata, tomonaki yango na elanga ya Yari.

We heard that the ark was in Ephrathah; we found it in the fields of Jaar.

7 Tokende na Ndako na Ye, togumbama liboso ya enyatelo makolo na yango.

Let us go to His dwelling place; let us worship at His footstool.

8 Yawe, telema, yaka na Esika na Yo ya bopemi! Yaka elongo na Sanduku ya Boyokani epai wapi nguya na Yo ezali.

Arise, O LORD, to Your resting place, You and the ark of Your strength.

9 Tika ete Banganga-Nzambe na Yo balata bosembo lokola elamba; mpe tika ete basantu na Yo baganga na esengo!

May Your priests be clothed with righteousness, and Your saints shout for joy.

10 Mpo na Davidi, mosali na Yo, kobengana mopakolami na Yo te!

For the sake of Your servant David, do not reject Your anointed one.

11 Yawe alapaki epai ya Davidi ndayi ya solo, oyo akowangana te: « Nakotia moko kati na bakitani na yo na kiti na yo ya bokonzi.

The LORD swore an oath to David, a promise He will not revoke: “One of your descendants I will place on your throne.

12 Soki bana na yo babateli boyokani mpe mibeko na ngai, bana na bango mpe bakokitana na yo lokola bakonzi, mpe ekosalema bongo mpo na libela. »

If your sons keep My covenant and the testimony I will teach them, then their sons will also sit on your throne forever and ever.”

13 Pamba te Yawe aponaki Siona, asepelaki kokomisa yango Esika na Ye ya kovanda:

For the LORD has chosen Zion; He has desired it for His home:

14 « Ezali Esika na ngai ya bopemi mpo na libela; nakovanda awa, pamba te nasepelaki na yango.

“This is My resting place forever and ever; here I will dwell, for I have desired this home.

15 Nakopambola, nakopambola yango na biloko ebele, nakotondisa babola na yango na bilei.

I will bless her with abundant provisions; I will satisfy her poor with bread.

16 Nakolatisa Banganga-Nzambe na yango lobiko, mpe bato na yango bakoganga na esengo.

I will clothe her priests with salvation, and her saints will sing out in joy.

17 Kuna na Siona, nakobakisa nguya ya Davidi, mpe nakobimisela ye mokitani, mopakolami na ngai, lokola mwinda ya kopela.

There I will make a horn grow for David; I have prepared a lamp for My anointed one.

18 Nakoyokisa banguna na ye soni, mpe motole na ye ekongenga na mbunzu na ye. »

I will clothe his enemies with shame, but the crown upon him will gleam.”