Banzembo 130

1 Nzembo ya mobembo mpo na kokende na Ndako ya Nkolo. Nkolo, nazali kobelela Yo wuta na mozindo ya pasi!

שיר המעלות ממעמקים קראתיך יהוה

2 Nkolo, yoka ngai! Yoka mabondeli na ngai!

אדני שמעה בקולי תהיינה אזניך קשבות-- לקול תחנוני

3 Yawe, soki obosanaka masumu te, Nkolo, nani akokaki kotelema?

אם-עונות תשמר-יה-- אדני מי יעמד

4 Kasi bolimbisi ezali epai na Yo, yango wana basengeli kotosa Yo.

כי-עמך הסליחה-- למען תורא

5 Na motema na ngai mobimba, nazali na elikya kati na Yawe, nazali penza na elikya; nazali kozela maloba na Ye.

קויתי יהוה קותה נפשי ולדברו הוחלתי

6 Nazali na elikya kati na Nkolo koleka kutu ndenge mokengeli azelaka kotana ya tongo, koleka penza ndenge mokengeli azelaka kotana ya tongo.

נפשי לאדני-- משמרים לבקר שמרים לבקר

7 Isalaele, tia elikya kati na Yawe, pamba te azali bolingo, mpe kokangolama ya kokoka ezali elongo na Ye.

יחל ישראל אל-יהוה כי-עם-יהוה החסד והרבה עמו פדות

8 Ye nde akokangola Isalaele na bambeba na yango nyonso.

והוא יפדה את-ישראל-- מכל עונתיו