Banzembo 130

1 Nzembo ya mobembo mpo na kokende na Ndako ya Nkolo. Nkolo, nazali kobelela Yo wuta na mozindo ya pasi!

Cantique de Maaloth. O Éternel, je t'invoque des lieux profonds.

2 Nkolo, yoka ngai! Yoka mabondeli na ngai!

Seigneur, écoute ma voix! Que tes oreilles soient attentives à la voix de mes supplications!

3 Yawe, soki obosanaka masumu te, Nkolo, nani akokaki kotelema?

Éternel, si tu prends garde aux iniquités, Seigneur, qui subsistera?

4 Kasi bolimbisi ezali epai na Yo, yango wana basengeli kotosa Yo.

Mais le pardon se trouve auprès de toi, afin qu'on te craigne.

5 Na motema na ngai mobimba, nazali na elikya kati na Yawe, nazali penza na elikya; nazali kozela maloba na Ye.

J'ai attendu l'Éternel; mon âme l'a attendu, et j'ai eu mon espérance en sa parole.

6 Nazali na elikya kati na Nkolo koleka kutu ndenge mokengeli azelaka kotana ya tongo, koleka penza ndenge mokengeli azelaka kotana ya tongo.

Mon âme attend le Seigneur, plus que les sentinelles n'attendent le matin.

7 Isalaele, tia elikya kati na Yawe, pamba te azali bolingo, mpe kokangolama ya kokoka ezali elongo na Ye.

Israël, attends-toi à l'Éternel, car la miséricorde est auprès de l'Éternel, et la rédemption se trouve en abondance auprès de lui.

8 Ye nde akokangola Isalaele na bambeba na yango nyonso.

Et lui-même rachètera Israël de toutes ses iniquités.