Banzembo 122

1 Nzembo ya Davidi. Nzembo ya mobembo mpo na kokende na Tempelo ya Yawe. Nasepelaka tango balobaka na ngai: « Tokende na Tempelo ya Yawe! »

Canción de las gradas: de David. Yo me alegré con los que me decían: A la Casa del SEÑOR iremos.

2 Yelusalemi, makolo na biso etelemi na bikuke na yo!

Nuestros pies estuvieron en tus puertas, oh Jerusalén;

3 Yelusalemi, engumba oyo etongama malamu; engumba oyo biteni na yango ekangana esika moko.

Jerusalén, la que es edificada como una ciudad que está bien unida entre sí.

4 Ezali kuna nde mabota ekendaka, mabota ya Yawe, kolanda mibeko kati na Isalaele, mpo na kosanzola Kombo ya Yawe.

Porque allá subieron las tribus, las tribus de JAH, el testimonio a Israel, para alabar el Nombre del SEÑOR.

5 Pamba te bakiti ya bokonzi ya bato oyo basalelaka bosembo ezali kuna, bakiti ya bokonzi mpo na ndako ya Davidi.

Porque allá están los tronos del juicio, los tronos de la casa de David.

6 Bosenga kimia ya Yelusalemi! Tika ete bato oyo balingaka yo, Yelusalemi, babika na kimia!

Demandad la paz de Jerusalén; sean pacificados los que te aman.

7 Tika ete kimia ezala kati na yo mpe kati na bandako na yo ya bokonzi!

Haya paz en tu antemuro, y descanso en tus palacios.

8 Likolo ya bolingo na ngai mpo na bandeko mpe balingami na ngai, nalobi: « Tika ete kimia ezala kati na yo! »

A causa de mis hermanos y mis compañeros hablaré ahora paz de ti.

9 Likolo ya bolingo na ngai mpo na Tempelo ya Yawe, Nzambe na biso, nasengi bolamu mpo na yo.

A causa de la Casa del SEÑOR nuestro Dios, buscaré bien para ti.