Banzembo 122

1 Nzembo ya Davidi. Nzembo ya mobembo mpo na kokende na Tempelo ya Yawe. Nasepelaka tango balobaka na ngai: « Tokende na Tempelo ya Yawe! »

Canticum graduum. Laetatus sum in his, quae dicta sunt mihi: In domum Domini ibimus.

2 Yelusalemi, makolo na biso etelemi na bikuke na yo!

Stantes erant pedes nostri, in atriis tuis Ierusalem.

3 Yelusalemi, engumba oyo etongama malamu; engumba oyo biteni na yango ekangana esika moko.

Ierusalem, quae aedificatur ut civitas: cuius participatio eius in idipsum.

4 Ezali kuna nde mabota ekendaka, mabota ya Yawe, kolanda mibeko kati na Isalaele, mpo na kosanzola Kombo ya Yawe.

Illuc enim ascenderunt tribus, tribus Domini: testimonium Israel ad confitendum nomini Domini.

5 Pamba te bakiti ya bokonzi ya bato oyo basalelaka bosembo ezali kuna, bakiti ya bokonzi mpo na ndako ya Davidi.

Quia illic sederunt sedes in iudicio, sedes super domum David.

6 Bosenga kimia ya Yelusalemi! Tika ete bato oyo balingaka yo, Yelusalemi, babika na kimia!

Rogate quae ad pacem sunt Ierusalem: et abundantia diligentibus te.

7 Tika ete kimia ezala kati na yo mpe kati na bandako na yo ya bokonzi!

Fiat pax in virtute tua: et abundantia in turribus tuis.

8 Likolo ya bolingo na ngai mpo na bandeko mpe balingami na ngai, nalobi: « Tika ete kimia ezala kati na yo! »

Propter fratres meos, et proximos meos, loquebar pacem de te:

9 Likolo ya bolingo na ngai mpo na Tempelo ya Yawe, Nzambe na biso, nasengi bolamu mpo na yo.

Propter domum Domini Dei nostri, quaesivi bona tibi.