Banzembo 122

1 Nzembo ya Davidi. Nzembo ya mobembo mpo na kokende na Tempelo ya Yawe. Nasepelaka tango balobaka na ngai: « Tokende na Tempelo ya Yawe! »

A Song of Degrees. I was glad when they said to me, Let us go into the house of the Lord.

2 Yelusalemi, makolo na biso etelemi na bikuke na yo!

Our feet stood in your courts, O Jerusalem.

3 Yelusalemi, engumba oyo etongama malamu; engumba oyo biteni na yango ekangana esika moko.

Jerusalem is built as a city whose fellowship is complete.

4 Ezali kuna nde mabota ekendaka, mabota ya Yawe, kolanda mibeko kati na Isalaele, mpo na kosanzola Kombo ya Yawe.

For there the tribes went up, the tribes of the Lord, as a testimony for Israel, to give thanks to the name of the Lord.

5 Pamba te bakiti ya bokonzi ya bato oyo basalelaka bosembo ezali kuna, bakiti ya bokonzi mpo na ndako ya Davidi.

For there are set thrones for judgment, [even] thrones for the house of David.

6 Bosenga kimia ya Yelusalemi! Tika ete bato oyo balingaka yo, Yelusalemi, babika na kimia!

Pray now for the peace of Jerusalem: and [let there be] prosperity to them that love you.

7 Tika ete kimia ezala kati na yo mpe kati na bandako na yo ya bokonzi!

Let peace, I pray, be within your host, and prosperity in your palaces.

8 Likolo ya bolingo na ngai mpo na bandeko mpe balingami na ngai, nalobi: « Tika ete kimia ezala kati na yo! »

For the sake of my brethren and my neighbors, I have indeed spoken peace concerning you.

9 Likolo ya bolingo na ngai mpo na Tempelo ya Yawe, Nzambe na biso, nasengi bolamu mpo na yo.

Because of the house of the Lord our God, I have diligently sought your good.