Banzembo 121

1 Nzembo ya mobembo tango bazalaki kokende na Tempelo ya Yawe. Natomboli miso na ngai na ngambo ya bangomba: lisungi na ngai ekowuta wapi?

A Song of Ascents. I will lift up my eyes to the hills. Where does my help come from?

2 Lisungi na ngai ewutaka na Yawe oyo akela likolo mpe mabele.

My help comes from the LORD, who made heaven and earth.

3 Akotika te ete lokolo na yo eselumuka; Ye oyo abatelaka yo animbaka te.

He will not allow your foot to be moved. He who keeps you will not slumber.

4 Te, Ye oyo abatelaka Isalaele animbaka te mpe alalaka pongi te!

Behold, he who keeps Israel will neither slumber nor sleep.

5 Yawe azali mobateli na yo; Yawe azali, na ngambo ya loboko na yo ya mobali, lokola elili oyo ebatelaka yo.

The LORD is your keeper. The LORD is your shade on your right hand.

6 Ezala na moyi to na butu, moyi mpe sanza ekosala yo mabe ata moke te!

The sun will not harm you by day, nor the moon by night.

7 Yawe akobatela yo na mabe nyonso, akobatela bomoi na yo;

The LORD will keep you from all evil. He will keep your soul.

8 Yawe akobatela kokende mpe kozonga na yo, sik’oyo mpe libela na libela.

The LORD will keep your going out and your coming in, from this time forward, and forever more.