Banzembo 119
1 Esengo na bato oyo bazangi pamela mpe batambolaka kolanda mibeko ya Yawe!
| אשרי תמימי-דרך-- ההלכים בתורת יהוה |
2 Esengo na bato oyo babatelaka malako na Ye mpe balukaka Ye na mitema na bango mobimba!
| אשרי נצרי עדתיו בכל-לב ידרשוהו |
3 Basalaka mabe te, kasi balandaka banzela ya Nzambe.
| אף לא-פעלו עולה בדרכיו הלכו |
4 Opesaki mibeko mpo ete etosama malamu.
| אתה צויתה פקדיך-- לשמר מאד |
5 Tika ete nabongisa etamboli na ngai mpo ete natosa mitindo na Yo!
| אחלי יכנו דרכי-- לשמר חקיך |
6 Na bongo, nakoyoka soni te tango nakotosa mibeko na Yo nyonso.
| אז לא-אבוש-- בהביטי אל-כל-מצותיך |
7 Nakosanzola Yo na motema ya sembo wana nakoyekola mibeko ya bosembo na Yo.
| אודך בישר לבב-- בלמדי משפטי צדקך |
8 Nalingi kotosa mitindo na Yo; kosundola ngai libela te!
| את-חקיך אשמר אל-תעזבני עד-מאד |
9 Ndenge nini elenge akoki kowumela na nzela ya sembo? Ezali na kotambola kolanda liloba na Yo.
| במה יזכה-נער את-ארחו-- לשמר כדברך |
10 Nalukaka Yo na motema na ngai mobimba; batela ngai mpo ete napengwa te mosika ya mibeko na Yo!
| בכל-לבי דרשתיך אל-תשגני ממצותיך |
11 Nabatelaka liloba na Yo kati na motema na ngai mpo ete nasala masumu te na miso na Yo.
| בלבי צפנתי אמרתך-- למען לא אחטא-לך |
12 Yawe, tika ete opambolama! Lakisa ngai mitindo na Yo!
| ברוך אתה יהוה-- למדני חקיך |
13 Na monoko na ngai, natangaka mibeko na Yo nyonso.
| בשפתי ספרתי-- כל משפטי-פיך |
14 Nasepelaka kotambola kolanda malako na Yo lokola nde nazali na bomengo nyonso.
| בדרך עדותיך ששתי-- כעל כל-הון |
15 Nakanisaka malako na Yo mpe natambolaka na banzela na Yo.
| בפקודיך אשיחה ואביטה ארחתיך |
16 Nasepelaka mingi na malako na Yo mpe nabosanaka liloba na Yo te.
| בחקתיך אשתעשע לא אשכח דברך |
17 Salela ngai, mosali na Yo, bolamu mpo ete nabika mpe natosa liloba na Yo.
| גמל על-עבדך אחיה ואשמרה דברך |
18 Fungola miso na ngai mpo ete namona kitoko ya mibeko na Yo.
| גל-עיני ואביטה-- נפלאות מתורתך |
19 Nazali mopaya awa na mokili; kobombela ngai mibeko na Yo te.
| גר אנכי בארץ אל-תסתר ממני מצותיך |
20 Molimo na ngai ezalaka tango nyonso na posa makasi ya koyeba mibeko na Yo.
| גרסה נפשי לתאבה-- אל-משפטיך בכל-עת |
21 Otelemelaka bato ya lofundu, bato oyo balakelama mabe mpe bapengwaka mosika ya mibeko na Yo.
| גערת זדים ארורים-- השגים ממצותיך |
22 Longola soni mpe kotiolama na bomoi na ngai, pamba te natosaka malako na Yo.
| גל מעלי חרפה ובוז כי עדתיך נצרתי |
23 Ezala soki bakambi basali likita mpe bayokani kotelemela ngai, mosali na Yo, nakokanisa kaka mitindo na Yo.
| גם ישבו שרים בי נדברו-- עבדך ישיח בחקיך |
24 Malako na Yo esepelisaka ngai makasi, epesaka ngai toli.
| גם-עדתיך שעשעי-- אנשי עצתי |
25 Nakangami na putulu; batela bomoi na ngai kolanda liloba na Yo.
| דבקה לעפר נפשי חיני כדברך |
26 Nayebisaki Yo banzela na ngai, mpe oyanolaki ngai; lakisa ngai mibeko na Yo!
| דרכי ספרתי ותענני למדני חקיך |
27 Sala ete nasosola nzela ya mitindo na Yo mpo ete nakanisa misala minene na Yo!
| דרך-פקודיך הבינני ואשיחה בנפלאותיך |
28 Nazali kolela mpo na pasi na motema; pesa ngai mpiko kolanda liloba na Yo.
| דלפה נפשי מתוגה קימני כדברך |
29 Mema ngai mosika ya nzela ya lokuta; mpe, na boboto na Yo, teya ngai mobeko na Yo.
| דרך-שקר הסר ממני ותורתך חנני |
30 Naponaki nzela ya bosolo; natambolaka kolanda mibeko na Yo.
| דרך-אמונה בחרתי משפטיך שויתי |
31 Nakangami na malako na Yo; Yawe, koyokisa ngai soni te.
| דבקתי בעדותיך יהוה אל-תבישני |
32 Nakimaka mbangu kati na nzela ya mibeko na Yo, pamba te opesaka ngai bososoli na yango.
| דרך-מצותיך ארוץ כי תרחיב לבי |
33 Yawe, teya ngai nzela ya mitindo na Yo mpo ete nabatela yango kino na suka.
| הורני יהוה דרך חקיך ואצרנה עקב |
34 Pesa ngai bososoli mpo ete natosa mibeko na Yo mpe nalanda yango na motema na ngai mobimba.
| הבינני ואצרה תורתך ואשמרנה בכל-לב |
35 Tambolisa ngai kati na nzela ya mibeko na Yo, pamba te nasepelaka na yango.
| הדריכני בנתיב מצותיך כי-בו חפצתי |
36 Sala ete motema na ngai esepela na malako na Yo, kasi na bomengo te!
| הט-לבי אל-עדותיך ואל אל-בצע |
37 Longola miso na ngai na makambo ya pamba, batela bomoi na ngai kati na banzela na Yo!
| העבר עיני מראות שוא בדרכך חיני |
38 Kokisela mosali na Yo bilaka oyo opesaki mpo na bato oyo batosaka Yo.
| הקם לעבדך אמרתך-- אשר ליראתך |
39 Longola mosika na ngai soni oyo nabangaka, pamba te mibeko na Yo ezali malamu.
| העבר חרפתי אשר יגרתי כי משפטיך טובים |
40 Nasepelaka makasi na mibeko na Yo; batela bomoi na ngai kati na bosembo na Yo!
| הנה תאבתי לפקדיך בצדקתך חיני |
41 Yawe, tika ete bolingo ekomela ngai, mpe lobiko na Yo, kolanda elaka na Yo;
| ויבאני חסדך יהוה תשועתך כאמרתך |
42 bongo nakokoka kozwa eyano ya kopesa na mofingi na ngai, pamba te natiaka elikya na liloba na Yo.
| ואענה חרפי דבר כי-בטחתי בדברך |
43 Tika ete monoko na ngai elobaka kaka bosolo, pamba te natiaka elikya kati na mibeko na Yo.
| ואל-תצל מפי דבר-אמת עד-מאד כי למשפטך יחלתי |
44 Nakotosa mibeko na Yo tango nyonso, mpe libela na libela.
| ואשמרה תורתך תמיד-- לעולם ועד |
45 Nakobika na bonsomi ya solo, pamba te nasepelaka kotosa mitindo na Yo.
| ואתהלכה ברחבה כי פקדיך דרשתי |
46 Nakolobela malako na Yo liboso ya bakonzi na kozanga koyoka soni.
| ואדברה בעדתיך נגד מלכים ולא אבוש |
47 Nasepelaka mingi na mibeko na Yo mpe nalingaka yango mingi.
| ואשתעשע במצותיך אשר אהבתי |
48 Nalapi ndayi mpo na mibeko na Yo, oyo nalingaka, mpe nakokanisa mitindo na Yo.
| ואשא-כפי--אל-מצותיך אשר אהבתי ואשיחה בחקיך |
49 Kanisa makambo oyo olobaki na mosali na Yo, pamba te opesaki ngai elikya.
| זכר-דבר לעבדך-- על אשר יחלתני |
50 Kati na pasi na ngai, liloba na Yo ebondisaka; batela bomoi na ngai kolanda elaka na Yo.
| זאת נחמתי בעניי כי אמרתך חיתני |
51 Solo, bato ya lolendo batiolaki ngai makasi; kasi ngai, natikalaki kopengwa te na mibeko na Yo.
| זדים הליצני עד-מאד מתורתך לא נטיתי |
52 Yawe, tango nakanisaka mikano na Yo ya kala, nazwaka kati na yango kobondisama.
| זכרתי משפטיך מעולם יהוה ואתנחם |
53 Nayokaka pasi mingi na motema tango namonaka bato mabe kosundola mibeko na Yo.
| זלעפה אחזתני מרשעים-- עזבי תורתך |
54 Nakoma koyemba mitindo na Yo na bisika nyonso epai wapi nazali moleki nzela.
| זמרות היו-לי חקיך-- בבית מגורי |
55 Yawe, nakanisaka Yo na butu mpo ete nabatela mibeko na Yo;
| זכרתי בלילה שמך יהוה ואשמרה תורתך |
56 pamba te libula na ngai ezali: kotosa mibeko na Yo.
| זאת היתה-לי כי פקדיך נצרתי |
57 Yawe, nalobi lisusu ete libula na ngai ezali: kotosa liloba na Yo.
| חלקי יהוה אמרתי-- לשמר דבריך |
58 Na motema na ngai mobimba, nalukaka kosepelisa Yo; salela ngai ngolu kolanda bilaka na Yo!
| חליתי פניך בכל-לב חנני כאמרתך |
59 Natali malamu etamboli na ngai mpe namizongisi kati na malako na Yo.
| חשבתי דרכי ואשיבה רגלי אל-עדתיך |
60 Natosaka mibeko na Yo noki, nazelisaka te.
| חשתי ולא התמהמהתי-- לשמר מצותיך |
61 Solo, mitambo ya bato mabe ekangaki ngai, kasi ngai nabosanaki te mibeko na Yo.
| חבלי רשעים עודני תורתך לא שכחתי |
62 Na kati-kati ya butu, nalamukaka mpo na kokumisa Yo likolo na mibeko na Yo ya sembo.
| חצות-לילה--אקום להודות לך על משפטי צדקך |
63 Nazali moninga ya bato nyonso oyo batosaka Yo mpe babatelaka mitindo na Yo.
| חבר אני לכל-אשר יראוך ולשמרי פקודיך |
64 Yawe, mokili etondi na bolingo na Yo; lakisa ngai mitindo na Yo!
| חסדך יהוה מלאה הארץ חקיך למדני |
65 Yawe, salela mosali na Yo bolamu kolanda liloba na Yo.
| טוב עשית עם-עבדך-- יהוה כדברך |
66 Teya ngai bolamu ya bososoli mpe ya mayele, pamba te namipesaka na mibeko na Yo.
| טוב טעם ודעת למדני כי במצותיך האמנתי |
67 Liboso ete obeta ngai, nazalaki mopengwi; kasi sik’oyo, nakomi kotosa liloba na Yo.
| טרם אענה אני שגג ועתה אמרתך שמרתי |
68 Ozali malamu mpe osalaka makambo ya malamu; teya ngai mitindo na Yo!
| טוב-אתה ומטיב למדני חקיך |
69 Bato ya lolendo bakoselaka ngai makambo; kasi ngai, natosaka mitindo na Yo na motema na ngai mobimba.
| טפלו עלי שקר זדים אני בכל-לב אצר פקודיך |
70 Mitema na bango ezali mabanga; kasi ngai, nasepelaka na mibeko na Yo.
| טפש כחלב לבם אני תורתך שעשעתי |
71 Ezalaki penza malamu mpo na ngai ete obeta ngai, mpo ete nayekola mitindo na Yo.
| טוב-לי כי-עניתי-- למען אלמד חקיך |
72 Mpo na ngai, mibeko oyo ozwaki mpe osakolaki na monoko na Yo ezali malamu koleka biloko nkoto moko ya wolo mpe ya palata.
| טוב-לי תורת-פיך-- מאלפי זהב וכסף |
73 Osalaki mpe olendisaki ngai na maboko na Yo, pesa ngai mayele mpo ete nayekola mibeko na Yo!
| ידיך עשוני ויכוננוני הבינני ואלמדה מצותיך |
74 Tango bato oyo batosaka Yo bamonaka ngai, basepelaka makasi, mpo ete natiaka elikya na liloba na Yo.
| יראיך יראוני וישמחו כי לדברך יחלתי |
75 Yawe, nayebi malamu ete mibeko na Yo ezali sembo, mpe ete ezali kaka mpo na bolingo na Yo nde obetaki ngai.
| ידעתי יהוה כי-צדק משפטיך ואמונה עניתני |
76 Tika ete bolingo na Yo ebondisa ngai, kolanda elaka na Yo epai ya mosali na Yo!
| יהי-נא חסדך לנחמני-- כאמרתך לעבדך |
77 Talisa ngai mawa na Yo mpo ete nabika, pamba te nasepelaka na mibeko na Yo.
| יבאוני רחמיך ואחיה כי-תורתך שעשעי |
78 Tika ete bato wana ya lofundu, oyo bamonisaka ngai pasi na kozanga tina, bakufa soni! Kasi ngai nakokanisa kaka mibeko na Yo.
| יבשו זדים כי-שקר עותוני אני אשיח בפקודיך |
79 Tika ete bato oyo batosaka Yo, ba-oyo bayebi malako na Yo, bazongela ngai.
| ישובו לי יראיך וידעו (וידעי) עדתיך |
80 Tika ete motema na ngai ezanga pamela mpo na kotosa mitindo na Yo, mpo ete nakufa soni te.
| יהי-לבי תמים בחקיך-- למען לא אבוש |
81 Natondi na posa ya lobiko na Yo, nazali na elikya kati na liloba na Yo.
| כלתה לתשועתך נפשי לדברך יחלתי |
82 Miso na ngai elembi kozela kokokisama ya elaka na Yo; nakomi komituna: « Okobondisa ngai tango nini? »
| כלו עיני לאמרתך-- לאמר מתי תנחמני |
83 Nakomi lokola mbeki oyo ezali kokawuka na milinga, nzokande nabosanaka mitindo na Yo te.
| כי-הייתי כנאד בקיטור-- חקיך לא שכחתי |
84 Mikolo ya bomoi ya mosali na Yo ezali motango boni? Mokolo nini okopesa banyokoli na ngai etumbu?
| כמה ימי-עבדך מתי תעשה ברדפי משפט |
85 Bato ya lolendo batimoli mabulu mpo na kokanga ngai, baboyi kotosa mibeko na Yo.
| כרו-לי זדים שיחות-- אשר לא כתורתך |
86 Mibeko na Yo nyonso ezali sembo; kasi bazali konyokola ngai kaka pamba; yaka kosunga ngai!
| כל-מצותיך אמונה שקר רדפוני עזרני |
87 Etikali moke mpo ete balongola ngai na mokili; kasi atako bongo, nasundoli mibeko na Yo te.
| כמעט כלוני בארץ ואני לא-עזבתי פקדיך |
88 Kati na bolingo na Yo, batela bomoi na ngai mpo ete natosa malako na Yo.
| כחסדך חיני ואשמרה עדות פיך |
89 Yawe, liloba na Yo ezali mpo na seko, epikama kati na likolo;
| לעולם יהוה-- דברך נצב בשמים |
90 boyengebene na Yo ekowumela seko na seko. Okela mabele, mpe ezali kaka kino na mokolo ya lelo;
| לדר ודר אמונתך כוננת ארץ ותעמד |
91 opesa mibeko, mpe ezali kaka kino na mokolo ya lelo, pamba te nyonso kati na mokili mobimba epesaka Yo lokumu.
| למשפטיך עמדו היום כי הכל עבדיך |
92 Soki nasepelaki na mibeko na Yo te, mbele nakufa kala kati na pasi na ngai.
| לולי תורתך שעשעי-- אז אבדתי בעניי |
93 Nakotikala kobosana ata moke te mitindo na Yo, pamba te obatelaka bomoi na ngai na nzela na yango.
| לעולם לא-אשכח פקודיך כי בם חייתני |
94 Bikisa ngai, pamba te nazali moto na Yo mpe natosaka mitindo na Yo!
| לך-אני הושיעני כי פקודיך דרשתי |
95 Bato mabe bazali koluka koboma ngai, kasi ngai nakangami kaka na malako na Yo.
| לי קוו רשעים לאבדני עדתיך אתבונן |
96 Na nyonso oyo emonanaka lokola ya kokoka, namonaki mondelo; kasi mibeko na Yo ezalaka na mondelo te.
| לכל-תכלה ראיתי קץ רחבה מצותך מאד |
97 Nalingaka mibeko na Yo mingi! Nakanisaka yango mikolo nyonso.
| מה-אהבתי תורתך כל-היום היא שיחתי |
98 Mibeko na Yo ekomisaka ngai moto ya bwanya koleka banguna na ngai; ezalaka elongo na ngai tango nyonso.
| מאיבי תחכמני מצותך כי לעולם היא-לי |
99 Naleki balakisi na ngai nyonso na mayele, pamba te nakanisaka malako na Yo.
| מכל-מלמדי השכלתי כי עדותיך שיחה לי |
100 Naleki mibange na bososoli, pamba te natosaka mibeko na Yo.
| מזקנים אתבונן כי פקודיך נצרתי |
101 Natambolaka te na banzela nyonso ya mabe mpo na kotosa liloba na Yo.
| מכל-ארח רע כלאתי רגלי-- למען אשמר דברך |
102 Nakangamaka na mibeko na Yo, pamba te Yo moko nde oteyaka ngai yango.
| ממשפטיך לא-סרתי כי-אתה הורתני |
103 Tala ndenge mitindo na Yo ezali elengi na monoko na ngai! Ezali malamu koleka mafuta ya nzoyi.
| מה-נמלצו לחכי אמרתך-- מדבש לפי |
104 Mitindo na Yo ekomisi ngai moto ya bososoli; yango wana nayinaka nzela nyonso ya mabe.
| מפקודיך אתבונן על כן שנאתי כל-ארח שקר |
105 Liloba na Yo ezali mwinda mpo na makolo na ngai, mpe pole mpo na nzela na ngai.
| נר-לרגלי דברך ואור לנתיבתי |
106 Nalapaki ndayi oyo mpe nakokokisa yango: « Nakotosaka mibeko ya bosembo na Yo. »
| נשבעתי ואקימה-- לשמר משפטי צדקך |
107 Motema na ngai etutami makasi; Yawe, batela bomoi na ngai kolanda liloba na Yo.
| נעניתי עד-מאד יהוה חיני כדברך |
108 Yawe, ndima likabo ya bibebu na ngai, mpe teya ngai mibeko na Yo.
| נדבות פי רצה-נא יהוה ומשפטיך למדני |
109 Solo, nakutanaka tango nyonso na makama, kasi nabosanaka mibeko na Yo te.
| נפשי בכפי תמיד ותורתך לא שכחתי |
110 Bato mabe batiaka mitambo mpo ete nakweya, kasi nakangamaka kaka na mibeko na Yo.
| נתנו רשעים פח לי ומפקודיך לא תעיתי |
111 Malako na Yo ezali libula na ngai mpo na libela, esalaka esengo ya motema na ngai.
| נחלתי עדותיך לעולם כי-ששון לבי המה |
112 Nazwa mokano ya kotambola kolanda mitindo na Yo, tango nyonso, kino na suka.
| נטיתי לבי לעשות חקיך-- לעולם עקב |
113 Nayinaka bato ya mitema mibale, kasi nalingaka nde mibeko na Yo.
| סעפים שנאתי ותורתך אהבתי |
114 Ozali ebombamelo mpe nguba na ngai; natiaka elikya kati na liloba na Yo.
| סתרי ומגני אתה לדברך יחלתי |
115 Bato ya misala mabe, bokende mosika na ngai! Nakotosa mibeko ya Nzambe na ngai!
| סורו-ממני מרעים ואצרה מצות אלהי |
116 Sunga ngai kolanda elaka na Yo, mpe nakobika; koyokisa elikya na ngai soni te.
| סמכני כאמרתך ואחיה ואל-תבישני משברי |
117 Sunga ngai mpo ete nabika; nakotikala kobosana mitindo na Yo ata moke te.
| סעדני ואושעה ואשעה בחקיך תמיד |
118 Obwakaka bato nyonso oyo bapesaka mitindo na Yo mokongo, pamba te mokano na bango ezalaka ya lokuta.
| סלית כל-שוגים מחקיך כי-שקר תרמיתם |
119 Olongolaka bato nyonso ya mabe ya mokili lokola bosoto; yango wana nalingaka malako na Yo.
| סגים--השבת כל-רשעי-ארץ לכן אהבתי עדתיך |
120 Nalengaka na somo liboso na Yo mpe nabangaka mikano na Yo.
| סמר מפחדך בשרי וממשפטיך יראתי |
121 Natambolaka na bosembo mpe bosolo; kokaba ngai na maboko ya banyokoli na ngai te!
| עשיתי משפט וצדק בל-תניחני לעשקי |
122 Kamata mokumba ya bolamu na ngai, mosali na Yo; tika ete bato ya lolendo banyokola ngai te.
| ערב עבדך לטוב אל-יעשקני זדים |
123 Miso na ngai elembi kozela lisungi kowuta na Yo mpe kokokisama ya bosembo na Yo kolanda elaka na Yo.
| עיני כלו לישועתך ולאמרת צדקך |
124 Salela ngai, mosali na Yo, kolanda bolingo na Yo, lakisa ngai mitindo na Yo.
| עשה עם-עבדך כחסדך וחקיך למדני |
125 Nazali mosali na Yo; pesa ngai mayele mpo ete nasosola malako na Yo.
| עבדך-אני הבינני ואדעה עדתיך |
126 Yawe, tango ya kosala ekoki; pamba te bazali kobuka mibeko na Yo!
| עת לעשות ליהוה-- הפרו תורתך |
127 Yango wana nalingaka mibeko na Yo koleka wolo, koleka kutu wolo ya peto;
| על-כן אהבתי מצותיך-- מזהב ומפז |
128 namonaka mpe malako na Yo nyonso alima; nzokande, nayinaka lokuta nyonso.
| על-כן כל-פקודי כל ישרתי כל-ארח שקר שנאתי |
129 Malako na Yo ezali kitoko, yango wana nabatelaka yango.
| פלאות עדותיך על-כן נצרתם נפשי |
130 Emoniseli ya liloba na Yo engengisaka, epesaka bazoba mayele.
| פתח דבריך יאיר מבין פתיים |
131 Monoko na ngai efungwamaka makasi likolo ya kozela, pamba te nazali na posa makasi ya mibeko na Yo.
| פי-פערתי ואשאפה כי למצותיך יאבתי |
132 Baluka epai na ngai mpe talisa ngai ngolu na Yo kolanda ndenge okata mpo na bato oyo balingaka Kombo na Yo.
| פנה-אלי וחנני-- כמשפט לאהבי שמך |
133 Lendisa bomoi na ngai na nzela ya liloba na Yo mpe pekisa mabe ete ekonza ngai te.
| פעמי הכן באמרתך ואל-תשלט-בי כל-און |
134 Kangola ngai wuta na minyoko ya bato, mpe nakotosa mibeko na Yo.
| פדני מעשק אדם ואשמרה פקודיך |
135 Tika ete elongi na Yo engengela ngai, mosali na Yo; lakisa ngai mibeko na Yo!
| פניך האר בעבדך ולמדני את-חקיך |
136 Miso na ngai ezali kosopa mpinzoli, pamba te mibeko na Yo ezali kotosama te.
| פלגי-מים ירדו עיני-- על לא-שמרו תורתך |
137 Yawe, ozali sembo, mpe mibeko na Yo ezali alima;
| צדיק אתה יהוה וישר משפטיך |
138 osalaki malako na Yo na bosembo mpe na bolingo.
| צוית צדק עדתיך ואמונה מאד |
139 Mpo ete banguna na ngai bazwaka liloba na Yo na motuya te, nayokaka kanda makasi komata ngai na motema.
| צמתתני קנאתי כי-שכחו דבריך צרי |
140 Nzokande liloba na Yo ezali penza peto; mpe ngai, mosali na Yo, nalingaka yango.
| צרופה אמרתך מאד ועבדך אהבה |
141 Atako nazali moke mpe batiolaka ngai, kasi nabosanaka mitindo na Yo te.
| צעיר אנכי ונבזה פקדיך לא שכחתי |
142 Bosembo na Yo ekotikala bongo mpo na libela, ekotikala kobongwana te; mpe mibeko na Yo ezali solo.
| צדקתך צדק לעולם ותורתך אמת |
143 Pasi ekangi ngai, mpe mayele esili ngai; kasi mibeko na Yo epesaka ngai esengo.
| צר-ומצוק מצאוני מצותיך שעשעי |
144 Malako na Yo ezali sembo mpo na libela; pesa ngai bososoli mpo ete nabika!
| צדק עדותיך לעולם הבינני ואחיה |
145 Nazali kobelela Yo na motema na ngai mobimba: « Yawe, yanola ngai; nakotosa mitindo na Yo!
| קראתי בכל-לב ענני יהוה חקיך אצרה |
146 Nazali kobelela Yo: bikisa ngai, mpo ete natosa malako na Yo!
| קראתיך הושיעני ואשמרה עדתיך |
147 Nalamukaka liboso ete tongo etana mpo na kobelela Yo, nazali na elikya kati na liloba na Yo.
| קדמתי בנשף ואשועה לדבריך (לדברך) יחלתי |
148 Nalamukaka na kati-kati ya butu mpo na kokanisa mitindo na Yo.
| קדמו עיני אשמרות-- לשיח באמרתך |
149 Yoka ngai na bolingo na Yo! Yawe, batela bomoi na ngai kolanda mibeko na Yo!
| קולי שמעה כחסדך יהוה כמשפטך חיני |
150 Bato oyo basalaka mabongisi mabe, oyo batosaka mibeko na Yo te, bazali koya pene na ngai.
| קרבו רדפי זמה מתורתך רחקו |
151 Nzokande Yo, Yawe, ozali pene, mpe mibeko na Yo nyonso ezali bosolo.
| קרוב אתה יהוה וכל-מצותיך אמת |
152 Wuta kala, ngai nayebi, na nzela ya malako na Yo, ete otia mibeko yango mpo na libela.
| קדם ידעתי מעדתיך כי לעולם יסדתם |
153 Mona malamu pasi na ngai mpe kangola ngai, pamba te nabosanaka mibeko na Yo te.
| ראה-עניי וחלצני כי-תורתך לא שכחתי |
154 Kota likambo na ngai mpe kangola ngai, batela bomoi na ngai kolanda elaka na Yo!
| ריבה ריבי וגאלני לאמרתך חיני |
155 Lobiko ezalaka mosika ya bato mabe, pamba te bamonaka pamba mitindo na Yo.
| רחוק מרשעים ישועה כי חקיך לא דרשו |
156 Yawe, mawa na Yo ezali monene penza; batela bomoi na ngai kolanda mibeko na Yo.
| רחמיך רבים יהוה כמשפטיך חיני |
157 Banyokoli mpe banguna na ngai bazali solo ebele, kasi ngai nakangamaka kaka na malako na Yo.
| רבים רדפי וצרי מעדותיך לא נטיתי |
158 Natalaka na nkele bato oyo bazangi kondima, ba-oyo batosaka liloba na Yo te.
| ראיתי בגדים ואתקוטטה-- אשר אמרתך לא שמרו |
159 Yawe, tala ndenge nalingaka mitindo na Yo! Batela bomoi na ngai kolanda bolingo na Yo.
| ראה כי-פקודיך אהבתי יהוה כחסדך חיני |
160 Moboko ya liloba na Yo ezali bosolo, mpe mibeko nyonso ya bosembo na Yo ezali mpo na libela.
| ראש-דברך אמת ולעולם כל-משפט צדקך |
161 Bakambi banyokolaka ngai kaka pamba, kasi kaka liloba na Yo nde ebangisaka motema na ngai.
| שרים רדפוני חנם ומדבריך (ומדברך) פחד לבי |
162 Nasepelaka na liloba na Yo lokola moto oyo azwi bomengo ebele ya bitumba.
| שש אנכי על-אמרתך-- כמוצא שלל רב |
163 Nayinaka lokuta mpe nayokaka yango nkele, nalingaka nde mibeko na Yo.
| שקר שנאתי ואתעבה תורתך אהבתי |
164 Nakumisaka Yo mbala sambo na mokolo mpo na mibeko ya bosembo na Yo.
| שבע ביום הללתיך-- על משפטי צדקך |
165 Bato oyo balingaka mibeko na Yo bazali bato na kimia monene, mpe eloko moko te ekobetisa bango lisusu mabaku.
| שלום רב לאהבי תורתך ואין-למו מכשול |
166 Yawe, natielaka Yo motema mpo ete obikisa ngai, mpe natosaka mibeko na Yo.
| שברתי לישועתך יהוה ומצותיך עשיתי |
167 Natosaka malako na Yo, pamba te nalingaka yango makasi.
| שמרה נפשי עדתיך ואהבם מאד |
168 Natosaka malako mpe mibeko na Yo, pamba te oyebi banzela na ngai nyonso.
| שמרתי פקודיך ועדתיך כי כל-דרכי נגדך |
169 Yawe, tika ete koganga na ngai ekoma kino epai na Yo! Pesa ngai bososoli kolanda liloba na Yo!
| תקרב רנתי לפניך יהוה כדברך הבינני |
170 Tika ete mabondeli na ngai ekoma kino epai na Yo! Kangola ngai kolanda elaka na Yo.
| תבוא תחנתי לפניך כאמרתך הצילני |
171 Tika ete bibebu na ngai ekumisa Yo, pamba te olakisaka ngai mitindo na Yo!
| תבענה שפתי תהלה כי תלמדני חקיך |
172 Tika ete lolemo na ngai eyemba liloba na Yo, pamba te mibeko na Yo nyonso ezali sembo.
| תען לשוני אמרתך כי כל-מצותיך צדק |
173 Tika ete loboko na Yo esunga ngai, pamba te napona kolanda malako na Yo.
| תהי-ידך לעזרני כי פקודיך בחרתי |
174 Yawe, nazali na posa makasi ya lobiko na Yo; mibeko na Yo epesaka ngai esengo.
| תאבתי לישועתך יהוה ותורתך שעשעי |
175 Tika ete nazala na bomoi mpo na kokumisa Yo, mpe tika ete mibeko na Yo esunga ngai!
| תחי-נפשי ותהללך ומשפטך יעזרני |
176 Nazali koyengayenga lokola meme oyo ebungi; luka ngai, mosali na Yo, pamba te nabosani mibeko na Yo te. »
| תעיתי-- כשה אבד בקש עבדך כי מצותיך לא שכחתי |
