Banzembo 115
1 Na biso te, Yawe, na biso te, kasi pesa nkembo na Kombo na Yo mpo na bolingo mpe boyengebene na Yo.
| לא לנו יהוה לא לנו כי לשמך תן כבוד על חסדך על אמתך׃ |
2 Mpo na nini bikolo eloba: « Wapi Nzambe na bango? »
| למה יאמרו הגוים איה נא אלהיהם׃ |
3 Nzambe na biso azali na Lola, asalaka nyonso oyo alingi.
| ואלהינו בשמים כל אשר חפץ עשה׃ |
4 Kasi banzambe na bango ya bikeko ezali ya palata mpe ya wolo, esalema na maboko ya bato.
| עצביהם כסף וזהב מעשה ידי אדם׃ |
5 Ezali na minoko, kasi elobaka te; ezali na miso, kasi emonaka te;
| פה להם ולא ידברו עינים להם ולא יראו׃ |
6 ezali na matoyi, kasi eyokaka te; ezali na zolo, kasi eyokaka solo te;
| אזנים להם ולא ישמעו אף להם ולא יריחון׃ |
7 ezali na maboko, kasi esimbaka te; ezali na makolo, kasi etambolaka te. Minoko na yango ebimisaka ata makelele te.
| ידיהם ולא ימישון רגליהם ולא יהלכו לא יהגו בגרונם׃ |
8 Bato oyo basalaka yango mpe bato nyonso oyo batielaka yango motema bakokani na yango.
| כמוהם יהיו עשיהם כל אשר בטח בהם׃ |
9 Bana ya Isalaele, botia elikya kati na Yawe! Azali lisungi mpe nguba na bango.
| ישראל בטח ביהוה עזרם ומגנם הוא׃ |
10 Bakitani ya Aron, botia elikya kati na Yawe! Azali lisungi mpe nguba na bino.
| בית אהרן בטחו ביהוה עזרם ומגנם הוא׃ |
11 Bino bato oyo botosaka Yawe, botia elikya kati na Yawe. Azali lisungi mpe nguba na bango.
| יראי יהוה בטחו ביהוה עזרם ומגנם הוא׃ |
12 Yawe akanisaka biso, akopambola; solo, akopambola bana ya Isalaele, akopambola bakitani ya Aron.
| יהוה זכרנו יברך יברך את בית ישראל יברך את בית אהרן׃ |
13 Akopambola bato oyo batosaka Yawe kobanda na bato pamba kino na bato minene.
| יברך יראי יהוה הקטנים עם הגדלים׃ |
14 Tika ete Yawe afulukisa bino, bino mpe bana na bino!
| יסף יהוה עליכם עליכם ועל בניכם׃ |
15 Tika ete Yawe apambola bino, Ye oyo asala likolo mpe mabele.
| ברוכים אתם ליהוה עשה שמים וארץ׃ |
16 Likolo ezali likolo ya Yawe; kasi apesa mabele epai ya bato.
| השמים שמים ליהוה והארץ נתן לבני אדם׃ |
17 Ezali te bakufi nde bakumisaka Yawe, pamba te bango nyonso bakendaka na esika ya kimia.
| לא המתים יהללו יה ולא כל ירדי דומה׃ |
18 Kasi biso, tokopambola Yawe, kobanda sik’oyo kino libela na libela. Bokumisa Yawe!
| ואנחנו נברך יה מעתה ועד עולם הללו יה׃ |
