Banzembo 114

1 Tango Isalaele abimaki wuta na Ejipito, tango libota ya Jakobi elongwaki na ekolo ya bapaya,

בצאת ישראל ממצרים בית יעקב מעם לעז

2 Yuda ekomaki Esika ya bule ya Yawe, mpe Isalaele ekomaki mabele na Ye.

היתה יהודה לקדשו ישראל ממשלותיו

3 Ebale monene emonaki yango mpe ekimaki, mayi ya Yordani ezongaki na sima,

הים ראה וינס הירדן יסב לאחור

4 bangomba epumbwaki lokola bameme, bangomba mike epumbwaki lokola bana ya ntaba.

ההרים רקדו כאילים גבעות כבני-צאן

5 Ebale monene, nini ezalaki kati na yo mpo ete okima? Yordani, mpo na nini ozongaki na sima?

מה-לך הים כי תנוס הירדן תסב לאחור

6 Bino bangomba, mpo nini bopumbwaki lokola bameme? Bongo bino bangomba mike, mpo na nini bopumbwaki lokola bana ya ntaba?

ההרים תרקדו כאילים גבעות כבני-צאן

7 Mokili, lenga liboso ya Yawe, liboso ya Nzambe ya Jakobi,

מלפני אדון חולי ארץ מלפני אלוה יעקב

8 oyo abongolaka libanga monene liziba, mpe libanga etima.

ההפכי הצור אגם-מים חלמיש למעינו-מים