Banzembo 109
1 Wuta na buku ya mokambi ya bayembi. Nzembo ya Davidi. Nzambe, Yo oyo ngai nakumisaka, kovanda kimia te!
| למנצח לדוד מזמור אלהי תהלתי אל-תחרש |
2 Bato mabe bazali koloba lokuta mpo na kofunda ngai, bazali mpe kokosela ngai makambo.
| כי פי רשע ופי-מרמה--עלי פתחו דברו אתי לשון שקר |
3 Bazingeli ngai na maloba ya koyina mpe bazali kobundisa ngai kaka pamba.
| ודברי שנאה סבבוני וילחמוני חנם |
4 Bato oyo ngai nalingaka bafundi ngai, kasi ngai namipesi na ngai kaka na mabondeli.
| תחת-אהבתי ישטנוני ואני תפלה |
5 Bazali kozongisela ngai mabe na bolamu, mpe koyina na bolingo.
| וישימו עלי רעה תחת טובה ושנאה תחת אהבתי |
6 Kaba ye na maboko ya moto mabe! Bimisela ye monguna, na ngambo ya loboko na ye ya mobali!
| הפקד עליו רשע ושטן יעמד על-ימינו |
7 Tika ete bazwa ye lokola moto mabe na tango ya kosamba, mpe libondeli na ye etangama lokola masumu!
| בהשפטו יצא רשע ותפלתו תהיה לחטאה |
8 Tika ete mikolo ya bomoi na ye ekoma moke, tika ete moto mosusu azwa mokumba na ye!
| יהיו-ימיו מעטים פקדתו יקח אחר |
9 Tika ete bana na ye bakoma bana bitike, mpe tika ete mwasi na ye akoma mwasi akufisa mobali!
| יהיו-בניו יתומים ואשתו אלמנה |
10 Tika ete bana na ye batelengana mpe bakoma bisengasenga, tika ete bakende kosenga mosika ya ndako na bango oyo ebukana-bukana!
| ונוע ינועו בניו ושאלו ודרשו מחרבותיהם |
11 Tika ete moto oyo adefisaki ye mbongo akanga ye biloko nyonso, mpe tika ete bapaya babotola ye bambuma ya mosala na ye!
| ינקש נושה לכל-אשר-לו ויבזו זרים יגיעו |
12 Tika ete moko te atalisa ye bolingo, tika ete moko te ayokela bana bitike na ye mawa!
| אל-יהי-לו משך חסד ואל-יהי חונן ליתומיו |
13 Tika ete bakitani na ye basila na kokufa, mpe bakombo na bango elongwa na ekeke oyo ezali kolanda!
| יהי-אחריתו להכרית בדור אחר ימח שמם |
14 Tika ete Yawe alandela masumu ya batata na ye mpe alimbisa te masumu ya mama na ye!
| יזכר עון אבתיו--אל-יהוה וחטאת אמו אל-תמח |
15 Tika ete Yawe akanisaka masumu yango tango nyonso mpe asala ete babosana bango libela na mokili!
| יהיו נגד-יהוה תמיד ויכרת מארץ זכרם |
16 Lokola atikalaki te kotambola na boboto, mpe lokola anyokolaki mobola mpe moto na mawa kino kobomisa moto oyo azoka na motema;
| יען-- אשר לא זכר עשות חסד וירדף איש-עני ואביון--ונכאה לבב למותת |
17 lokola azalaki kolinga mingi kolakela bato mabe, tika ete bilakeli mabe ekweyela ye! Lokola azalaki kosepela te kopambola bato, tika ete mapamboli ezala mosika na ye!
| ויאהב קללה ותבואהו ולא-חפץ בברכה ותרחק ממנו |
18 Tika ete alata elakeli mabe lokola kazaka, tika ete ekota kati na ye lokola mayi, mpe kati na mikuwa na ye lokola mafuta!
| וילבש קללה כמדו ותבא כמים בקרבו וכשמן בעצמותיו |
19 Tika ete elakeli mabe yango elata ye lokola elamba oyo alati, mpe ekangama ye na loketo lokola mokaba mpo na tango nyonso!
| תהי-לו כבגד יעטה ולמזח תמיד יחגרה |
20 Tala ndenge Yawe akofuta banguna na ngai mpe bato oyo balobaka mabe na tina na ngai.
| זאת פעלת שטני מאת יהוה והדברים רע על-נפשי |
21 Kasi Yo Nkolo Yawe, salela ngai bolamu mpo na lokumu ya Kombo na Yo, kangola ngai kolanda boboto ya bolingo na Yo.
| ואתה יהוה אדני-- עשה-אתי למען שמך כי-טוב חסדך הצילני |
22 Solo, nazali mobola mpe moto na mawa, mpe motema na ngai ezali ya kozoka kati na ngai.
| כי-עני ואביון אנכי ולבי חלל בקרבי |
23 Nazali kokende lokola elili oyo ezali kolimwa; bazali kobengana ngai lokola mabanki.
| כצל-כנטותו נהלכתי ננערתי כארבה |
24 Mabolongo na ngai elembi mpo na kokila mingi bilei, nzoto na ngai mpe ebukani mpo ete nakondi makasi.
| ברכי כשלו מצום ובשרי כחש משמן |
25 Mpo na bango, nakomi eloko ya nkele; soki kaka bamoni ngai, baningisi mito.
| ואני הייתי חרפה להם יראוני יניעון ראשם |
26 Yawe, Nzambe na ngai, sunga ngai; bikisa ngai kolanda bolingo na Yo!
| עזרני יהוה אלהי הושיעני כחסדך |
27 Tika ete banguna na ngai bayeba ete Yo Yawe nde osalaki bongo.
| וידעו כי-ידך זאת אתה יהוה עשיתה |
28 Ata balakeli ngai mabe, Yo okopambola ngai; soki mpe bameki kotelema mpo na kobundisa ngai, bakokufa soni. Nzokande ngai mosali na Yo, nakozala moto ya esengo.
| יקללו-המה ואתה תברך קמו ויבשו--ועבדך ישמח |
29 Tika ete bayini na ngai bazanga lokumu mpe bamizipa na soni lokola kazaka.
| ילבשו שוטני כלמה ויעטו כמעיל בשתם |
30 Nakosanzola Yawe na mongongo makasi, nakokumisa Ye kati na ebele ya bato.
| אודה יהוה מאד בפי ובתוך רבים אהללנו |
31 Pamba te atelemaka na ngambo ya loboko ya mobali ya mobola mpo na kokangola ye wuta na maboko ya bato oyo bakatela ye etumbu.
| כי-יעמד לימין אביון-- להושיע משפטי נפשו |
