Banzembo 108

1 Nzembo ya Davidi. Nzambe, motema na ngai ezali na kimia! Nakoyembela Yo, nakosanzola Yo na mindule; ezali mpe lokumu na ngai.

שיר מזמור לדוד נכון לבי אלהים אשירה ואזמרה אף כבודי׃

2 Lindanda mpe nzenze, bolamuka! Nalingi kolamusa tongo.

עורה הנבל וכנור אעירה שחר׃

3 Nkolo, nakosanzola Yo kati na bato, nakoyembela Yo kati na bikolo.

אודך בעמים יהוה ואזמרך בל אמים׃

4 Pamba te bolingo na Yo ezali monene koleka Lola, mpe bosembo na Yo ekenda kino na mapata.

כי גדול מעל שמים חסדך ועד שחקים אמתך׃

5 Oh Nzambe, tika ete otombolama na likolo ya Lola, mpe nkembo na Yo ezala awa na mokili mobimba!

רומה על שמים אלהים ועל כל הארץ כבודך׃

6 Bikisa biso na nguya ya loboko na Yo mpe yanola biso, mpo ete balingami na Yo bakangolama!

למען יחלצון ידידיך הושיעה ימינך וענני׃

7 Nzambe alobaki kati na Esika na Ye ya bule: « Nakolonga! Nakokabola Sishemi mpe nakotia bandelo ya lubwaku ya Sukoti.

אלהים דבר בקדשו אעלזה אחלקה שכם ועמק סכות אמדד׃

8 Galadi ezali ya ngai, Manase mpe ezali ya ngai; Efrayimi ezali ekoti na ngai ya ebende, mpe Yuda ezali lingenda na ngai ya bokonzi.

לי גלעד לי מנשה ואפרים מעוז ראשי יהודה מחקקי׃

9 Moabi ezali sani monene oyo nasukolelaka, Edomi ezali esika oyo nabwakaka sandale na ngai. Nazali kobeta milolo ya bitumba mpo na kobundisa mokili ya Filisitia. »

מואב סיר רחצי על אדום אשליך נעלי עלי פלשת אתרועע׃

10 Nani akomema ngai na engumba batonga makasi? Nani akotambolisa ngai kino na Edomi?

מי יבלני עיר מבצר מי נחני עד אדום׃

11 Ezali Yo te, Nzambe oyo obwakaki biso, Nzambe oyo ozalaki lisusu te kokende bitumba elongo na mampinga na biso!

הלא אלהים זנחתנו ולא תצא אלהים בצבאתינו׃

12 Yaka kosunga biso, kangola biso liboso ya moyini! Pamba te lisungi ya bato ezali pamba.

הבה לנו עזרת מצר ושוא תשועת אדם׃

13 Elongo na Nzambe, tokosala makambo minene mpe ya kokamwa; ezali Ye nde akonyata banguna na biso.

באלהים נעשה חיל והוא יבוס צרינו׃