Banzembo 108
1 Nzembo ya Davidi. Nzambe, motema na ngai ezali na kimia! Nakoyembela Yo, nakosanzola Yo na mindule; ezali mpe lokumu na ngai.
“A psalm of David.” O God! my heart is strengthened! I will sing and give thanks.
2 Lindanda mpe nzenze, bolamuka! Nalingi kolamusa tongo.
Awake, my soul! awake, my psaltery and harp! I will wake with the early dawn.
3 Nkolo, nakosanzola Yo kati na bato, nakoyembela Yo kati na bikolo.
I will praise thee, O LORD! among the nations; I will sing to thee among the peoples!
4 Pamba te bolingo na Yo ezali monene koleka Lola, mpe bosembo na Yo ekenda kino na mapata.
For thy mercy reacheth to the heavens, And thy truth above the clouds.
5 Oh Nzambe, tika ete otombolama na likolo ya Lola, mpe nkembo na Yo ezala awa na mokili mobimba!
Exalt thyself, O God! above the heavens, And thy glory above all the earth!
6 Bikisa biso na nguya ya loboko na Yo mpe yanola biso, mpo ete balingami na Yo bakangolama!
That thy beloved ones may be delivered, Save with thy right hand, and answer me!
7 Nzambe alobaki kati na Esika na Ye ya bule: « Nakolonga! Nakokabola Sishemi mpe nakotia bandelo ya lubwaku ya Sukoti.
God promiseth in his holiness; I will rejoice; I shall yet divide Shechem, And measure out the valley of Succoth;
8 Galadi ezali ya ngai, Manase mpe ezali ya ngai; Efrayimi ezali ekoti na ngai ya ebende, mpe Yuda ezali lingenda na ngai ya bokonzi.
Gilead shall be mine, and mine Manasseh; Ephraim shall be my helmet, And Judah my sceptre.
9 Moabi ezali sani monene oyo nasukolelaka, Edomi ezali esika oyo nabwakaka sandale na ngai. Nazali kobeta milolo ya bitumba mpo na kobundisa mokili ya Filisitia. »
Moab shall be my washbowl; Upon Edom shall I cast my shoe; I shall triumph over Philistia.
10 Nani akomema ngai na engumba batonga makasi? Nani akotambolisa ngai kino na Edomi?
Who will bring me to the strong city? Who will lead me into Edom?
11 Ezali Yo te, Nzambe oyo obwakaki biso, Nzambe oyo ozalaki lisusu te kokende bitumba elongo na mampinga na biso!
Wilt not thou, O God! who didst forsake us, Who didst not go forth with our armies?
12 Yaka kosunga biso, kangola biso liboso ya moyini! Pamba te lisungi ya bato ezali pamba.
Give us thine aid in our distress, For vain is the help of man!
13 Elongo na Nzambe, tokosala makambo minene mpe ya kokamwa; ezali Ye nde akonyata banguna na biso.
Through God we shall do valiantly; For he will tread down our enemies.
