Banzembo 108
1 Nzembo ya Davidi. Nzambe, motema na ngai ezali na kimia! Nakoyembela Yo, nakosanzola Yo na mindule; ezali mpe lokumu na ngai.
O god, my heart is fixed; I will sing and give praise, even with my glory.
2 Lindanda mpe nzenze, bolamuka! Nalingi kolamusa tongo.
Awake, psaltery and harp: I myself will awake early.
3 Nkolo, nakosanzola Yo kati na bato, nakoyembela Yo kati na bikolo.
I will praise you, O LORD, among the people: and I will sing praises to you among the nations.
4 Pamba te bolingo na Yo ezali monene koleka Lola, mpe bosembo na Yo ekenda kino na mapata.
For your mercy is great above the heavens: and your truth reaches to the clouds.
5 Oh Nzambe, tika ete otombolama na likolo ya Lola, mpe nkembo na Yo ezala awa na mokili mobimba!
Be you exalted, O God, above the heavens: and your glory above all the earth;
6 Bikisa biso na nguya ya loboko na Yo mpe yanola biso, mpo ete balingami na Yo bakangolama!
That your beloved may be delivered: save with your right hand, and answer me.
7 Nzambe alobaki kati na Esika na Ye ya bule: « Nakolonga! Nakokabola Sishemi mpe nakotia bandelo ya lubwaku ya Sukoti.
God has spoken in his holiness; I will rejoice, I will divide Shechem, and mete out the valley of Succoth.
8 Galadi ezali ya ngai, Manase mpe ezali ya ngai; Efrayimi ezali ekoti na ngai ya ebende, mpe Yuda ezali lingenda na ngai ya bokonzi.
Gilead is mine; Manasseh is mine; Ephraim also is the strength of my head; Judah is my lawgiver;
9 Moabi ezali sani monene oyo nasukolelaka, Edomi ezali esika oyo nabwakaka sandale na ngai. Nazali kobeta milolo ya bitumba mpo na kobundisa mokili ya Filisitia. »
Moab is my wash pot; over Edom will I cast out my shoe; over Philistia will I triumph.
10 Nani akomema ngai na engumba batonga makasi? Nani akotambolisa ngai kino na Edomi?
Who will bring me into the strong city? who will lead me into Edom?
11 Ezali Yo te, Nzambe oyo obwakaki biso, Nzambe oyo ozalaki lisusu te kokende bitumba elongo na mampinga na biso!
Will not you, O God, who have cast us off? and will not you, O God, go forth with our hosts?
12 Yaka kosunga biso, kangola biso liboso ya moyini! Pamba te lisungi ya bato ezali pamba.
Give us help from trouble: for vain is the help of man.
13 Elongo na Nzambe, tokosala makambo minene mpe ya kokamwa; ezali Ye nde akonyata banguna na biso.
Through God we shall do valiantly: for he it is that shall tread down our enemies.
