Banzembo 107
1 Bosanzola Yawe, pamba te azali malamu, mpe bolingo na Ye ewumelaka seko na seko!
O give thanks to the LORD, for [he is] good; for his mercy [endureth] for ever.
2 Tika ete bato oyo Yawe asikolaki baloba bongo, ba-oyo akangolaki wuta na maboko ya monguna,
Let the redeemed of the LORD say [so], whom he hath redeemed from the hand of the enemy;
3 ba-oyo asangisaki wuta na bikolo nyonso, wuta na este, na weste, na nor mpe na sude.
And gathered them out of the lands, from the east, and from the west, from the north, and from the south.
4 Ndambo bazalaki koyengayenga na esobe, na esika oyo ezanga bato, bamonaki te nzela ya engumba epai wapi bakoki kovanda.
They wandered in the wilderness in a solitary way; they found no city to dwell in.
5 Likolo ya nzala mpe ya posa ya mayi, bakomaki pene ya kokufa.
Hungry and thirsty, their soul fainted in them.
6 Bongo kati na pasi na bango, babelelaki Yawe, mpe akangolaki bango na mitungisi na bango.
Then they cried to the LORD in their trouble, [and] he delivered them out of their distresses.
7 Atambolisaki bango na nzela ya alima mpo ete bakende kovanda kati na engumba.
And he led them forth by the right way, that they might go to a city of habitation.
8 Tika ete basanzola Yawe mpo na bolingo mpe bikamwa na Ye mpo na bato!
Oh that [men] would praise the LORD [for] his goodness, and [for] his wonderful works to the children of men!
9 Apesaki mayi epai ya bato oyo bazalaki na posa ya mayi mpe bilei epai ya bato oyo bazalaki na nzala.
For he satisfieth the longing soul, and filleth the hungry soul with goodness.
10 Bato oyo bazalaki kovanda na bisika ya molili makasi mpe ya molili ya kufa bazalaki ya kokangama na minyoko mpe na minyololo ya bibende,
Such as sit in darkness and in the shades of death, [being] bound in affliction and iron;
11 pamba te batombokelaki maloba na Nzambe mpe batiolaki mabongisi ya Ye-Oyo-Aleki-Likolo.
Because they rebelled against the words of God, and contemned the counsel of the Most High:
12 Abukaki lolendo ya mitema na bango na nzela ya misala makasi; bakweyaki, mpe moko te asungaki bango.
Therefore he brought down their heart with labor; they fell down, and [there was] none to help.
13 Kati na pasi na bango, babelelaki Yawe, mpe abikisaki bango na mitungisi na bango.
Then they cried to the LORD in their trouble, [and] he saved them out of their distresses.
14 Abimisaki bango wuta na molili makasi mpe na molili ya kufa, mpe abukaki minyololo na bango.
He brought them out of darkness and the shades of death, and broke their bands asunder.
15 Tika ete basanzola Yawe mpo na bolingo mpe bikamwa na Ye mpo na bato!
Oh that [men] would praise the LORD [for] his goodness, and [for] his wonderful works to the children of men!
16 Pamba te abukaki bikuke ya bronze mpe akataki bikangelo ya mabende.
For he hath broken the gates of brass, and cut the bars of iron asunder.
17 Bamosusu bakomaki bazoba mpo na etamboli mabe na bango, mpe bato na pasi, mpo na masumu na bango.
Fools, because of their transgression, and because of their iniquities, are afflicted.
18 Minoko na bango eyinaki bilei nyonso, mpe bakomaki pene ya bikuke ya kufa.
Their soul abhorreth all manner of food; and they draw near to the gates of death.
19 Kati na pasi na bango, babelelaki Yawe, mpe abikisaki bango na mitungisi na bango.
Then they cry to the LORD in their trouble, he saveth them out of their distresses.
20 Atindaki Liloba na Ye mpe abikisaki bango, akangolaki bango wuta na kunda.
He sent his word, and healed them, and delivered [them] from their destructions.
21 Tika ete basanzola Yawe mpo na bolingo mpe bikamwa na Ye mpo na bato!
Oh that [men] would praise the LORD [for] his goodness, and [for] his wonderful works to the children of men!
22 Tika ete babonza bambeka ya kozongisa matondi mpe bapanza sango ya misala na Ye na koganga na esengo!
And let them sacrifice the sacrifices of thanksgiving, and declare his works with rejoicing.
23 Bato oyo bakendaka mobembo na ebale monene kati na masuwa mpe basalaka mombongo na mayi minene
They that go down to the sea in ships, that do business on great waters;
24 bamonaki misala ya Yawe, mpe bikamwa kati na ebale monene.
These see the works of the LORD, and his wonders in the deep.
25 Alobaki, mpe mopepe makasi eyaki, etombolaki bambonge.
For he commandeth, and raiseth the stormy wind, which lifteth up its waves.
26 Bazalaki komata kino na likolo mpe kokita kino na se, bazalaki kolemba nzoto kati na pasi.
They mount up to the heaven, they go down again to the depths: their soul is melted because of trouble.
27 Bazwaki kizunguzungu mpe bakomaki kotenga-tenga lokola bato balangwe masanga, bwanya na bango nyonso elimwaki.
They reel to and fro, and stagger like a drunken man, and are at their wit's end.
28 Kati na pasi na bango, babelelaki Yawe mpe abimisaki bango na mitungisi na bango.
Then they cry to the LORD in their trouble, and he bringeth them out of their distresses.
29 Akitisaki mopepe makasi, bambonge ya ebale monene evandaki kimia.
He maketh the storm a calm, so that the waves [of the sea] are still.
30 Basepelaki na kimia oyo ezongaki, mpe Nzambe amemaki bango kino na libongo oyo balingaki.
Then are they glad because they are quiet; so he bringeth them to their desired haven.
31 Tika ete basanzola Yawe mpo na bolingo mpe bikamwa na Ye mpo na bato!
Oh that [men] would praise the LORD [for] his goodness, and [for] his wonderful works to the children of men!
32 Tika ete banetola Ye kati na lisanga ya bato mpe bakumisa Ye kati na mayangani ya bakambi.
Let them exalt him also in the congregation of the people, and praise him in the assembly of the elders.
33 Akoki kobongola bibale esobe; kobongola bitima mabele ya kokawuka;
He turneth rivers into a wilderness, and the water-springs into dry ground;
34 kobongola mabele oyo ebotaka bambuma mabele ya mungwa likolo ya mabe ya bavandi na yango.
A fruitful land into barrenness, for the wickedness of them that dwell in it.
35 Akoki kobongola esobe liziba; kobongola mabele ya kokawuka bitima.
He turneth the wilderness into a standing water, and dry ground into water-springs.
36 Akoki kosala ete bato na nzala bakoma kovanda kuna, batonga engumba oyo bato bakoki kovanda,
And there he maketh the hungry to dwell, that they may prepare a city for habitation;
37 babwaka bambuma na bilanga mpe balona banzete ya vino oyo ekobota bambuma ebele.
And sow the fields, and plant vineyards, which may yield fruits of increase.
38 Apamboli bango, mpe bakomi ebele; mpe akitisi te motango ya bibwele na bango.
He blesseth them also, so that they are multiplied greatly; and suffereth not their cattle to decrease.
39 Motango ya bato mosusu ekiti mpe balembi nzoto mpo na minyoko mpe pasi.
Again, they are diminished and brought low through oppression, affliction, and sorrow.
40 Nzambe asambwisaka bato minene, akotisaka bango na mobulu makasi kino bazanga nzela ya kobimela na pasi.
He poureth contempt upon princes, and causeth them to wander in the wilderness, [where there is] no way.
41 Kasi akangolaka babola wuta na pasi na bango, mpe asalaka ete babotana ebele kati na bituka na bango lokola etonga ya bameme.
Yet he setteth the poor on high from affliction, and maketh him families like a flock.
42 Tango bato ya sembo bamonaka bongo, basepelaka, kasi bato nyonso ya mabe bakangaka minoko na bango.
The righteous shall see [it], and rejoice: and all iniquity shall stop her mouth.
43 Tika ete moto ya bwanya asala keba na makambo wana nyonso mpe akanisa na tina na bolingo ya Yawe!
Whoever [is] wise, and will observe these [things], even they shall understand the loving-kindness of the LORD.
