Banzembo 105
1 Bokumisa Yawe, bobelela Kombo na Ye! Bopanza sango ya misala minene na Ye kati na bikolo!
| הודו ליהוה קראו בשמו הודיעו בעמים עלילותיו |
2 Boyemba mpo na lokumu na Ye, bosanzola Ye na mindule! Botatolaka tango nyonso misala minene na Ye nyonso!
| שירו-לו זמרו-לו שיחו בכל-נפלאותיו |
3 Bosepela na Kombo na Ye ya bule! Tika ete mitema ya bato oyo balukaka Yawe etonda na esengo!
| התהללו בשם קדשו ישמח לב מבקשי יהוה |
4 Bomipesa na Yawe. Bosenga makasi na Ye. Bolukaka tango nyonso elongi na Ye.
| דרשו יהוה ועזו בקשו פניו תמיד |
5 Bokanisa bikamwa, makambo minene oyo asalaki mpe bitumbu oyo apesaki,
| זכרו--נפלאותיו אשר-עשה מפתיו ומשפטי-פיו |
6 bino, bakitani ya Abrayami, mosali na Ye; bino, baponami na Ye, bana mibali ya Jakobi!
| זרע אברהם עבדו בני יעקב בחיריו |
7 Yawe azali Nzambe na biso, mikano na Ye ekambaka mokili mobimba.
| הוא יהוה אלהינו בכל-הארץ משפטיו |
8 Akanisaka tango nyonso Boyokani na Ye, bilaka na Ye mpo na bikeke nkoto moko,
| זכר לעולם בריתו דבר צוה לאלף דור |
9 boyokani oyo asalaki elongo na Abrayami, mpe ndayi oyo alapaki epai ya Izaki.
| אשר כרת את-אברהם ושבועתו לישחק |
10 Akokisaki bosolo na yango epai ya Jakobi lokola mobeko, epai ya Isalaele lokola boyokani ya libela na libela,
| ויעמידה ליעקב לחק לישראל ברית עולם |
11 tango alobaki: « Nakopesa yo mokili ya Kanana lokola libula oyo epesameli yo! »
| לאמר--לך אתן את-ארץ-כנען חבל נחלתכם |
12 Na tango wana, bazalaki kaka motango moke ya bato mpe bapaya kati na yango;
| בהיותם מתי מספר כמעט וגרים בה |
13 bazalaki koyengayenga longwa na ekolo moko kino na ekolo mosusu, longwa na mokili moko kino na mokili mosusu.
| ויתהלכו מגוי אל-גוי מממלכה אל-עם אחר |
14 Atikaki moto moko te konyokola bango; apamelaki bakonzi na tina na bango:
| לא-הניח אדם לעשקם ויוכח עליהם מלכים |
15 « Bosimba bapakolami na Ngai te, bosala mabe te epai na basakoli na Ngai! »
| אל-תגעו במשיחי ולנביאי אל-תרעו |
16 Abengisaki nzala makasi kati na mboka, azangisaki bango bilei.
| ויקרא רעב על-הארץ כל-מטה-לחם שבר |
17 Atindaki moto moko liboso na bango: Jozefi oyo atekamaki lokola mowumbu.
| שלח לפניהם איש לעבד נמכר יוסף |
18 Bakangaki makolo na ye na minyololo mpe batiaki bibende na kingo na ye,
| ענו בכבל רגליו (רגלו) ברזל באה נפשו |
19 kino makambo oyo Jozefi asakolaki ekokisamaki, kino Liloba na Yawe etalisaki ete Jozefi alobaki solo.
| עד-עת בא-דברו-- אמרת יהוה צרפתהו |
20 Mokonzi apesaki mitindo ete bafungola ye minyololo, mokambi atikaki ye na bonsomi.
| שלח מלך ויתירהו משל עמים ויפתחהו |
21 Akomisaki ye nkolo ya ndako na ye mpe moyangeli ya biloko na ye nyonso,
| שמו אדון לביתו ומשל בכל-קנינו |
22 mpo ete akonza bakambi na ye mpe alakisa bwanya epai ya bapesi toli ya mokonzi.
| לאסר שריו בנפשו וזקניו יחכם |
23 Bongo Isalaele akendeki na Ejipito; mpe Jakobi avandaki lokola mopaya kati na mokili ya Cham.
| ויבא ישראל מצרים ויעקב גר בארץ-חם |
24 Yawe asalaki ete bato na Ye babota mingi, mpe akomisaki bango makasi koleka banguna na bango.
| ויפר את-עמו מאד ויעצמהו מצריו |
25 Abongolaki mitema ya banguna yango mpo ete bayina bato na Ye mpe banyokola bango makasi.
| הפך לבם לשנא עמו להתנכל בעבדיו |
26 Atindaki mosali na Ye, Moyize, mpe Aron oyo aponaki.
| שלח משה עבדו אהרן אשר בחר-בו |
27 Na mitindo na Ye Nzambe, basalaki bikamwa kati na Ejipito, misala minene kati na mokili ya Cham.
| שמו-בם דברי אתותיו ומפתים בארץ חם |
28 Atindaki molili oyo ekotaki kati na mokili, mpe bato ya Ejipito batombokelaki maloba na Ye te.
| שלח חשך ויחשך ולא-מרו את-דבריו (דברו) |
29 Abongolaki mayi makila, mpe abomaki mbisi na yango.
| הפך את-מימיהם לדם וימת את-דגתם |
30 Mokili na bango etondaki na magorodo kino na bashambre ya mokonzi na bango.
| שרץ ארצם צפרדעים בחדרי מלכיהם |
31 Na mitindo na Ye, banzinzi oyo eswaka mpe bangungi eyaki na mboka mobimba.
| אמר ויבא ערב כנים בכל-גבולם |
32 Na esika ya mvula, atindelaki bango mvula ya mabanga mpe abetisaki kake kati na mokili na bango.
| נתן גשמיהם ברד אש להבות בארצם |
33 Abebisaki bilanga na bango ya vino mpe ya figi, mpe abukaki banzete ya mboka na bango.
| ויך גפנם ותאנתם וישבר עץ גבולם |
34 Na mitindo na Ye, mabanki mpe makelele oyo bakokaki kotanga te esopanaki,
| אמר ויבא ארבה וילק ואין מספר |
35 eliaki matiti nyonso ya mobesu kati na mokili na bango, eliaki bambuma ya mabele na bango.
| ויאכל כל-עשב בארצם ויאכל פרי אדמתם |
36 Abomaki bana liboso nyonso kati na mokili na bango, bambuma ya liboso ya makasi na bango.
| ויך כל-בכור בארצם ראשית לכל-אונם |
37 Abimisaki Isalaele, bato na Ye, elongo na palata mpe wolo; mpe moko te atiaki tembe kati na mabota na bango.
| ויוציאם בכסף וזהב ואין בשבטיו כושל |
38 Ejipito esepelaki komona bango kobima, pamba te somo ya Isalaele ekangaki bango.
| שמח מצרים בצאתם כי-נפל פחדם עליהם |
39 Atandaki lipata mpo na kobatela bango, mpe moto mpo na kopesa pole na butu.
| פרש ענן למסך ואש להאיר לילה |
40 Ndenge kaka basengaki, atindelaki bango bakayi mpe atondisaki bango na bilei ya likolo.
| שאל ויבא שלו ולחם שמים ישביעם |
41 Afungolaki libanga, mpe mayi ebimaki, etiolaki lokola ebale kati na esobe.
| פתח צור ויזובו מים הלכו בציות נהר |
42 Mpo ete akanisaki elaka ya bule oyo apesaki mosali na Ye, Abrayami,
| כי-זכר את-דבר קדשו את-אברהם עבדו |
43 abimisaki na esengo bato na Ye, baponami na Ye na koganga ya esengo.
| ויוצא עמו בששון ברנה את-בחיריו |
44 Apesaki bango mabele ya bikolo mosusu mpe bazwaki lokola libula mosala ya bikolo yango
| ויתן להם ארצות גוים ועמל לאמים יירשו |
45 mpo ete babatela mitindo na Ye mpe batosa mibeko na Ye. Bokumisa Yawe!
| בעבור ישמרו חקיו-- ותורתיו ינצרו הללו-יה |
